মনিপুরদা হৌজিক থোক্লিবা ঙাগী পোত্থোক অসী মীয়ামগী দিমান্দগা চাননা, মরাঙ কায়না পুথোকপা ঙমদবদগী মনিপুর লৈঙাক্না হৌজিক চহী খূদীঙগী মপানগী ষ্টেটশিংদগী লূপা ক্রোর অহুমলোমগী ঙা লৈদুনা পুশিল্লক্লি। মপান্দগী ঙা লৈদুনা পুশিল্লকপদা অচৌবা শেনফম অমা অতৈ ষ্টেটশিংদা চৎখ্রিবসিদগী কন্ননবা লমদমসিগী ঙামীশিংনা ঙাগী পোত্থোক অসী হৌজিক লৈরিবা অসীদগী শরুক অনী-অহুমগী চাংদা হেঙ্গৎহন্ননবা হোৎনসি হায়না মনিপুরগী গভর্নর অজয় কুমার ভাল্লানা ফোঙদোকখ্রে।
ঙরাং মনিপুর য়ুনিভর্সিটিগী ওদিতোরিয়ম হোলদা ভাইস চাঞ্চেল্লর মনিপুর য়ুনিভর্সিটি অমসুং আই সি এ আর, সি আই সি এফ আর ভিমতালাগা খূৎশম্নদুনা মাহশির হেটচরি এন্দ ফ্রেসৱাটর ইছথিওলোজি এন্দ সষ্টেনেবল এক্বাকলচর (ফিসা) হায়বা লেবোরেটরি অমা হৌদোকপা থৌরমদা অথোয়বা মীথূঙলেন ওইনা শরুক য়াদুনা গভর্নরনা ৱাফম অসী ফোঙদোকখিবনি।
থৌরমদুদা ফিসরিজ সাইন্স, আই সি এ আর ন্যূ দিল্লিগী দিপ্যুটি দিরেক্তর জেনরেল দা. জয়ক্রিষ্ণ জেনা, নেস্নেল ফিসরিজ দেভলপমেন্ট বোর্দ হায়দরাবাদকি চিফ এগজিক্যুটিব বিজয়কুমার ভেহরা নচিংবা মকোকথোংবা ওফিসিয়েল কয়ামরুম শরুক য়াখিবগা লোয়ননা মনিপুর য়ুনিভর্সিটি অসীগী জুলোজি দিপার্টমেন্টগী মহৈরোয়শিংনা পুথোকপা পোৎলমশিংগী ষ্টোল সু হাংদোক্তুনা মীয়ামদা ঊৎখি।
You may also like
-
ৱার্ল্ড রেবিজ ডে থৌরম পাঙথোকখ্রে
-
সি ই সি গী মায়োক্তা কংগ্ৰেসকি খোঙজঙ কন্সীনখ্রে, ইফিজি মৈ থাদুনা প্রোটেষ্ট তৌখ্রে
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে