মহারাষ্ট্রগী ঔরঙ্গবাদতা লৈরিবা মৌলানা আজাদ রিছার্স সেন্টরদা ফিল্ম ইদুকেসন এন্দ ৱেলফ্যের ফাউন্দেসন্না শীন্দুনা পাঙথোকখিবা তরুকশুবা রোস্নি ইন্টর্নেস্নেল ফীল্ম ফেষ্টিভেল-২০২৫ কি এৱার্দ সিরেমোনিদা মনিপুরদগী দা. নয়নসনা দেবিনা ইরগা মশামক্না প্রদ্যুসর ওইবা অদুগা রাকেশ নাউরেম্না দিরেক্সন পীবা মনিপুরি ফিচর ফীল্ম “য়াহৌ থেঙবা খোইমু”, না মালেমগী খ্বায়দগী অফবা ফিচর ফীল্ম ৫ গী মনূঙ চন্দুনা লেমজনিঙায় ওইরবা এৱার্দ ফংবা ঙম্লকখ্রে।
মনিপুরি ফীচর ফিল্ম অসীনা বেষ্ট ফীচর ফিল্ম (স্পেসিয়েল জ্যুরি), বেষ্ট ষ্টোরি, বেষ্ট প্রদ্যুসর (স্পেসিয়েল মেন্সন), বেষ্ট ফার্ষ্ট-টাইম ফীল্ম মেকর, বেষ্ট মেল দিরেক্তর অমসুং ফীল্ম অসীদা থাবল্লৈমগী শক্তম লাংখিবি এক্ট্রেস ইথোই ওইনামনা বেষ্ট এক্ট্রেস তাদুনা লেমজনিঙায় ওইরবা এৱার্দ কয়ামরুম ফংলকখিবনি।
মালেমগী লৈবাক ৬০ হেনবদগী ফীচর ফিল্ম ১৫০০ রোম ফেষ্টিভেল অসীদা য়াওননবা থাগৎনরকখিবগী মনূঙদা ফীল্ম ২৫০ খনগত্তুনা ঊৎখি। মদুগী মনূঙদা মনিপুরদগী য়াহৌ থেঙবা খোইমু হায়রিবা ফীল্ম অসী টোপ বেষ্ট ফীল্ম ৫ গী মনূঙ চল্লকখিবনি। ইন্দিয়া অমসুং মালেমগী তোঙান তোঙানবা লৈবাকশিংদগী শক্নায়রবা জ্যুরি মেম্বরশিংনা ফেষ্টিভেল অসীদা শরুক য়াদুনা য়েংশিনখি।
You may also like
-
য়ূদিসিগী নৌনা শাবা ওফীস বিল্ডিং শঙ্গাখ্রে
-
মনিপুরগী কলচরেল শো ঊৎপা য়াহনখিদ্রে, ৱাকৎ থাঙ্গৎখ্রে
-
এন আর সি, সেন্সস অমদি এন পি আরগী মতাঙদা রাজনিতিৱালা খরনা মীয়াম্বু লান্না লমজীঙনবা হোৎনরি: সান্তা
-
কোকোমিনা মীয়ামগা লোয়ননা খোঙজঙ হেন্না কন্সীন্নবা ৱারেপশিং লৌখ্রে
-
এস দি পি ও আনন্দকুমার হাৎপদা মরুওইনা চেন্নবনি হায়বা ওথাং বাইতে এন আই এনা ফারে