হৌজিক হৌজিকমক রাজ্য সভাদা মনিপুরগী এম পি ওইনা লৈরিবা মহারাজ লৈসেম্বা সনাজাউবগী থবক্কি মতম চৎলিবা জূন থা অসীগী ২১ দা লোইরগনি। মসীগা লোয়ননা মথঙগী রাজ্য সভাদা মনিপুরগী এম পি ওইগদবা এন দি এগী মীরেপ ওইহন্ননবা সেন্টরদা লৈরিবা বি জে পিগী হায় কম্মান্দ না অধিকারিময়ূম সার্দাবু খল্লকখিবগী মতূঙ ইন্না মনিপুর লেজিসলেটিব এসেমব্লিগী ওফিসতা চত্তুনা মীরেপ অমা ওইনা নোমিনেসন ফাইল তৌখ্রবা মতূঙ ঙরাং মীরেপচে লৌথোকপগী অরোয়বা মতমফাওবদা বি জে পি মনিপুর প্রদেশকি প্রসিদেন্ট সু ওইরিবী সার্দাগী রাইভেল অমত্তনা নোমিনেসন ফাইল তৌরকখিদবা মরম্না মহাক লম্বা য়াওদনা মীখল অসীদা মায় পাকখ্রে।
মনিপুর লেজিসলেটিব এসেমব্লিগী সেক্রেটরিসু ওইরিবা, মীরেপ-মীখল অসীগী রিটর্নিং ওফিসর সাপম রোহিৎনা এ সার্দা অসী রাজ্য সভাগী এম পি মীখলদা লম্বা য়াওদনা মায় পাক্লে হায়না লাউথোরকখিবগা লোয়ননা মায় পাকপগী সার্টিফিকেৎসু খূৎশীন্নখ্রে।
ওজা অমা ওইনা হৌরকখিবি সার্দা অসী কুমশিং ১৯৯৫ দগী বি জে পিদা এক্তিব মেম্বর ওইনা লৈরকখিবনি।মহাক্না ষ্টেট অমসুং নেস্নেল লেভেলদা পার্টীগী ওর্গানাইজেসন মপাঙ্গল কনখৎহন্ননবা থবক-থৌরম কয়াদা শরুক য়াদুনা লাকখি। মতম অমদা মহাক ইম্ফাল ম্যুনিসিপাল কাউন্সিল, ৱার্দ নম্বর ৭ তগী কাউন্সিল্লর ওইনা মায় পাক্লক্তুনা মীয়ামগী থৌগলসু তৌরকখিবনি হায়রি।
You may also like
-
নুমিৎ ১৫ নি চত্থগদবা সম্মর খো খো কোচিং কেম্প ঙরাংদগী হৌদোকখ্রে
-
টুটেল সটদাওনগী খোঙজঙশিংনা চীঙগী দিষ্ট্রিক্টশিংদা চাউনা অকায়বা পীরে
-
হান্নগী দিপ্যুটি চিফ মিনিষ্টর য়ূম্নাম জয়কুমার পি দি এগী প্রেসিদেন্ট ওইরে
-
এয়রপোর্ট মনাক্তা দ্রোন্নচিংবা অমত্তা পাইবা য়াররোই
-
ফাজীনখিবা নাগা ৬ পত্থরবা অশীবা হকচাং ওইনা ফংখ্রে, ঙসী পোষ্ট মোর্টেম তৌরগা ঈমূং মনূঙগী মীওইশিংদা শিন্নখ্রগনি