North East

মনিপুরদা অহানবা রাউন্দ গী দিৱোর্মিং হৌদোকখ্রে

By Sonakshi Sarkar / March 26, 2026

মনিপুর ষ্টেটকি ওইনা চহী অসীগী অহানবা রাউন্দ গী নেস্নেল দি-ৱোর্মিং ঙরাং হৌদোক্তুনা মশীঙ য়াম্লবা মহৈরোয়-অঙাঙশিংদা দিৱোর্মিং টেব্লেটশিং পীজখ্রে। অহানবা রাউন্দ গী থৌরমদু ইম্ফালগী লম্ফেলপাত্তা লৈরিবা ইন্দিয়ান মেদিকেল এসোসিয়েসন (ঈমা)গী হেরিটেজ হোলদা পাঙথোকখি।

ষ্টেট লৈঙাক্কি দিরেক্তরেট ওফ হেল্থ সার্বিসেস, ষ্টেট হেল্থ সোসাইটি – নেস্নেল হেল্থ মিসন মনিপুর অনীনা পূন্না শীন্দুনা দিৱোর্মিংগী থৌরম অদূ হৌদোকখিবনি। থৌরমদুদা ষ্টেট ফেমিলি ৱেলফেয়র সার্বিসেসকি দিরেক্টর দা.এন বিনো, ষ্টেট হেল্থ সার্বিসেসকি দিরেক্টর দা.এন হেমন্তকুমারনচিংবা, অখঙ -অহৈ দাক্তরশিং কয়া শরূক য়াখি।

মালেমগী ওইনা ঙসীসু হকচাঙদা তীল লৈবদগী চাউদম থীন্থবা, মপাঙ্গল শোনবা, অমসুং ফীভম -মুর্তি চুমদনা লৈবা অঙাঙ মশীঙ থীঙমদনা লৈরি।কা হেন্না শাথিবা লায়না-লাইওং নত্তে খন্দুনা ঐখোয়না থৌশাদবা তৌরোইদবনি।চেকশীলহৌদবদা, করিগুম্বা মতমদা অশীবগী খয়াত্তা তাখিবসু য়াওরিবনি হায়বা ৱাফম হেল্থ সার্বিসেসকি দিরেক্টর হেমন্তকুমারনা থৌরমদুদা ফোঙদোকখি।

Leave a Reply Cancel reply