হৌজিক মনিপুরদা থোক্লিবা চহী অমগা থা তরেৎ শুরক্ল বা হীংশাগী ঈরাং অসী লাকশিন্দুনা লমদমসিদা মহৌশাগী ঈং-তপ্পা শক্তম অদূ অথুবা মতমদা হঞ্জিল্লক্ননবা সেন্টর লৈঙাক্না অৱাংবা থাক্তা হন্দক মীফম পাঙথোক্তুনা খন্নখ্রে হায়না মনিপুরগী চীফ মিনিষ্টর নোংথোম্বম বিরেন্না ফোঙদোকখ্রে।
ইন্দিয়া টুদে নোরথ ইষ্ট তা চিফ মিনিষ্টরনা ৱাফম অদূ ফোঙদোকখ্রবসু মফম কদায়দা, কনানা কনাদা ফোঙদোকখিবা ৱাফম্নো হায়বদুদি চপচানা মীয়ামদা খঙহনখিদে হায়রি। অদুম ওইনমক, সেন্টর লৈঙাক্না হৌজিক য়াম্না কন্না মূক্নরগা লৈরিবা মৈতৈ অমসুং কুকি জো কম্যুনিটী অনীগী মরক্তা তুং কোইনা চৎনগদবা ৱারোয়শিন অমা পুরক্ননবা অকনবা থবকশিং লেপ্তনা পাৎখৎলি হায়না চিফ মিনিষ্টর অসীনা ফোঙদোকখি হায়রি।
মনিপুরদা চিন-কুকি নার্কো- টেরোরিষ্ট শিংনা চত্থরক্লিবা হীংশাগী ঈরাং অসিনা মরম ওইদুনা মীওই লীশীং ৬০ হেন্না তোঙান তোঙানবা রিলিফ কেম্প শিংদা চঙজফম লৌদুনা লৈরিবনি। নাকল অমরোমদনা সেন্টর অমসুং ষ্টেট লৈঙাকশিংনা অরোনবা এজেন্দা অমা শান্নদুনা ঈরাং অসী লোইশিলহন্দবনি হায়না মায়কৈ খূদীংদগী পেন্নদবা ফোঙদোরক্লিবনি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি