অদূঙৈ কুমশিং ১৯৪৯ দা মনিপুর মর্জর এগ্ৰিমেন্ট সাইন তৌনখিবগা লোয়ননা মতমদুদগী ঙসিফাওবা মনিপুর অসী ইন্দিয়াগী ফীবান্নুংদা তিন্দুনা লাকখ্রে। অদূম ওইনমক এগ্ৰিমেন্ট সাইন তৌনখিবা মতমদুদা য়ানখিবা সর্ত কয়া অদূদি ইন্দিয়া লৈঙাক্না ঙসীফাওবদা মপূঙফানা থবক্তা ওন্থোক্তনা লৈরি। মদূ থবক্তা ওন্থোক্নবা থৌশিল লৌখৎকদবনি হায়না মনিপুরগী রাজ্য সভা এম পি লৈশেম্বা সনাজাউবনা ঙরাং রাজ্য সভাদা ফোঙদোক্তুনা তকশীনখ্রে।
হৌজিক চত্থরিবা পারলিয়ামেন্ট কি মীফম অসীদা জেরো অৱারগী খুদোংচাবা লৌদুনা এম পি সনাজাউবনা ৱাফমশিং অসি পুখৎখিবনি। মনিপুরগী কলচর, সোসিও-ইকোনোমি, পোলিটিকেল ষ্টেটস মপূঙ ফানা ঈকায়খুম্নগনি, মদূ চেকশীন্না ঙাক-শেন্দুনা থমগনি হায়বা ৱাফমশিং এগ্ৰিমেন্ট অদুদা য়াওই। মরূওইনা এগ্ৰিমেন্ট অদূগী আর্টিকল নিপানশুবদা য়াওরিবা সর্তশিং অদু ঙসিফাওবা মপূঙফানা থবক্তা ওন্থোক্তনা লৈরি। মনিপুরগী তোমথিন ওইনা লৈজরিবা কলচর, ট্রেদিসন, পোলিটিকেল ষ্টেটস ঙাক্কদবনি হায়বা ৱাফমশিং এম পি নিংথৌ সনাজাউবনা সভাদা ফোঙদোক্তুনা মেম্বরশিং অমসুং চ্যেরমেনগী পূক্নীং চিংশিনখি।
পীকচরবসু মনিপুর অসী চহী লীশিং মঙা হেনবগী মনীঙ-মখা তম্না নিংথৌ সাসন লৈরকখিবা লমদম অমা ওইরকখিবগী পুৱারি শাগোন্নরগা লৈজরকখিবনি হায়বসি ইন্দিয়ানা কাউরোইদবনি হায়নসু সনাজাউবনা ফোঙদোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে