হন্দক মনিপুরগী চিফ মিনিষ্টর নোংথোম্বম বিরেন্না চিফ মিনিষ্টর ফমদগী মফম থাদোকখ্রবা মতূঙসিদা লৈরিবা এম এল এ, মিনিষ্টরশিংগী মরক্তগী কনাগুম্বা অমত্তনা ফম অসীগীদমক চোংথোরক্তবনা হৌজিক মনিপুরদা রাজনিটিগী য়াম্না অরুবা তাঙ্কক অমদা লাকপগা লোয়ননা লমদমসিদা সস্পেন্দেদ এনিমেসন লাকপা নত্রগা মপূঙফানা প্র সিদেন্ট রুল (পি আর) থমজিল্লকপা য়াবগী ওইথোকপা য়াম্না ৱাংনা লৈরক্লি।
লুচিংবা খনবা ঙমদনা লৈবদগী চিফ মিনিষ্টর কনানা ওইগদগে খঙদনা, চরক-চহীং নাইনা লৈখিবগা লোয়ননা বি জে পি লুচিংবা সম্বিট পাত্রাসু ঙসী নুংথিল ন্যু দিল্লিগীদমক ইম্ফাল থাদোকখ্রগনি হায়রি। ঙরাং নুমিদাং বি জে পি নোরথ ঈষ্ট ইন-চার্জ অমদি পার্টি অসীগী নেস্নেল স্পোক্স পার্সন ওইনা থৌ পুরিবা সম্বিট পত্রাগা লোয়ননা বি জে পি মনিপুরগী প্রসিদেন্ট এ সর্দা য়াওরগা পার্টিগী এম এল এ, মিনিষ্টরশিংগী ওইবা মীফম অমা পাঙথোক্তুনা খন্নরবা মতূঙদা গভর্নর অজয় কুমা ভল্লাগা রাজ ভবন্দা উনখি।
হৌজিক ফাওবগী ওইনদি লৈঙাক্কি চিফ মিনিষ্টর ওইগদবা লুচিংবা খনবা ঙমদনা লৈবদগী মনিপুরদা সস্পেন্দেদ এনিমেসন লাকপা নত্রগা পি আর থমজিল্লকপা য়াবগী ওইথোকপা য়াম্না ৱাংনা লৈরক্লি। ঙসি বি জে পি হায় কম্মান্দগী মীফম অমা ন্যু দিল্লিদা পাঙথোক্তুনা মনিপুরদা হৌজিক ওইরক্লিবা রাজনিটিগী মতাংদা খন্নরগনি হায়বগী পাউসু লৈরি। মদুগীদমক বি জে পি মনিপুরগী এম এল এ শিং শরুক য়ারনবা কৌরকখ্রে হায়রি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে