য়ূজরশিংনা খ্বাইদগী থাজনরক্লিবা অমসুং খুদোংথীনিঙায় লৈত্রবা কম্যুনিকেসন প্লেটফোর্ম অমা ওইরিবা ট্রুকোল্লর অসী মালেমগী ওইনা শীজীন্নবগী চাং লেপ্তনা হেঙ্গৎনরক্লি। হৌজিক ফাওবদা মালেমগী মীওই মিল্লিয়ন ৫০০ হেনবনা থাজবগা লোয়ননা প্লেটফোর্ম অসী শীজিন্নরে হায়রি।
য়ুজর অমনা কোল নত্রগা মেসেজিং তৌদ্রিঙৈ মমাঙ, তৌরিঙৈ মতম অমসুং কোল নত্রগা মেসেজিং অদূ লোইখ্রবা মতূঙদা খুদোংচাদবা মায়োক্নবা য়াবা কয়াদগী ঙাকথোক্নবা,য়াম্না সেফ ওইবা,মতমগী অনৌ-অনৌবা টেক্নোলোজী শীজীন্নদুনা য়ুজরশিংদা নুঙাইবা পুন্সি মরেল অমা পীবা হায়বসি ট্রূকোল্লরগী মরূওইবা পান্দম্নি হায়রি।
হৌখিবা কুমশিং ২০২৫ খক্তদা য়ুজর মিল্লিয়ন ৫০ গী মথক্তা হেঙ্গৎলকখি।ইন্দিয়াখক্তদা য়ুজর মশীং মিল্লিয়ন ৩৫০ হেনখ্রে অদুগা লৈবাক অসীগী মপান্দসু নোংমদা য়ুজর মিল্লিয়ন ১৫০ রোম্না ট্রুকোল্লর শীজীন্নরি। স্পাম, স্কাম অমসুং পামদবা কম্যুনিকেসন কয়াদগী ঙাকথোক্নবা পাম্বৈ অমা ওইনা মসীগী দিমান্দ হেঙ্গৎলক্লি।চহী অসীগী অঙনবা শরুক্তা প্লেটফোর্ম অসীগী পেয়িং সব্সক্রাইবর মশীংসু মিল্লিয়ন ৪ হেনখ্রে।
ট্রুকোল্লরগী সি ই ও রিসিট ঝুনঝুনৱালানা মসীগা মরী লৈননা হায়, হেন্না অনৌবা, স্মার্ট ওইবা টেক্নোলোজিগা লোয়ননা মতীক ময়ায় হেঙ্গৎহন্দুনা য়ুজরশিংগী থাজবা ৱাংখৎহনবা, অহেনবা খুদোংচাবা পীবা, নুঙাইরবা ইকোসিষ্টেম অমা ফংহনবা হায়বসিনা ট্রুকোল্লরগী অহানবা, মরূওইবা পান্দম্নি।
You may also like
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে
-
চাউনা মায় পাক্লকখ্রবা পি ই এস কি মহৈরোয়শিং তরাম্না ওকখ্রে, মনা লান্থোকখ্রে
-
৯ শুবা অথৌবশিংগী নীংশিং থৌরম মপূঙ ফানা পাঙথোকখ্রে