হৌখিবা কুমশিং ২০২৩ গী মে অহুমদগী কুকি-জো মিলিটেন্টশিংনা কাইহৌরকপদগী ঙসীফাওবা মৈতৈ অমদি কুকি-জো কাঙলূপকি মরক্তা মূক্নরক্তুনা মীওই কয়া শিরিবা অমসুং মীওই চা কয়ানা অশোক- অপন মায়োক্নরগা লৈরিবা ফিভম অসীগী মতাংদা কুকি-জো মীয়ামগী মখাতাবা মোৎ লৌননবা পান্দমদা ঙরাং কাংপোকপি বজারদা লৈবা এল এন সি হোটেলদা পব্লিক কনভেন্সন অমা পাঙথোকখ্রে। মীফম অদূদা ফ্রী মূভমেন্টকা মরী লৈনবা ৱাফমশিংদি অমত্তা খন্নখিদ্রে।
কুকি-জো কাউন্সিলনা শীন্দুনা পাঙথোকখিবা কনভেনশন অদুগী মতাঙদা কাউন্সিল অসীগী ইনফোর্মেসন অমসুং পব্লিক রিলেসন্স কি সেক্রেটরি গিঞ্জা ভুৱালজোংনা থাদোরকখিবা চেরোল অমদা পল্লকখিবদি, মীফম অদূ মৈতৈ অমদি কুকি-জো অনিগী মরক্তা হৌজিক মূক্নরিবা অসীগী মতাংদা কুকি-জো মীয়ামগী মখাতাবা মোৎ লৌননবা পাঙথোকখিবনি। মীফম অদূদা য়াম্না মরুওইবা ৱারেপ কয়ামরুম লৌখ্রে। অদূম ওইনমক কুকি-জো মীয়াম্না খুন্দারিবা মনিপুরগী অতৈ মফমশিংদসু চপ মান্নবা পব্লিক কনভেনশন কয়া অমসু পাঙথোক্তুনা ৱারেপ লৌগদবা লৈরিবা মরম্না অহানবা মীফমগী রিজোল্যুসনশিং অদূ মীয়ামদা লাউথোক্তুনা খঙহনখিরোই হায়না ফোঙদোরক্লি।
মীফম পূম্নমক্কি ৱারেপ ময়ামদু পূন্সিল্লবা মতূঙদা মীয়ামদা খঙহল্লক্কনি হায়রি। মীফম অদুদা শরুক য়াখিবি সাইকুল এ সিগী এম এল এ কিম্নিও হংশিংনা, কুকি-জো কাউন্সিলনা অসীগুম্বা পব্লিক কনভেনশন মপূঙফানা পাঙথোক্ননবা থবক পায়খৎলকপগীদমক থাগৎপা ফোঙদোকখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি