হৌখিবা চহী অনীগী মতম তোঙান-তোঙানবা মরম কয়াদগী ইন্দিয়ান ওইল দ্যুরান্দ কপকি মনিপুর চেপ্তর লেপ্তুনা লৈরকখ্রবা মতুংদা ঙরাংদগী কপ অসীগী মনিপুর চেপ্তর ইম্ফালগী খুমন লম্পাক মেইন ষ্টেদিয়মদা হৌদোকখ্রে।
হৌদোকপগী থৌরমদা মনিপুর চেপ্তর অসী মপূঙফানা মায় পাক্না পাঙথোকপা ঙম্ননবা অকনবা থৌদাং লৌদুনা হোৎনরিবা ষ্টেট অসীগী গভর্নর অজয় কুমার ভাল্লা, ইন্দিয়াগী চিফ ওফ আর্মী ষ্টাফ ওইরিবা জেনরেল উপেন্দ্র দ্বিবেদি আর্মীগী মকোকথোংবা ওফিসিয়েল কয়াসু শরুক য়াখি।
ঙরাং অহানবা হৌদোকপা নুমিত্তা টিদ্দিম রোদ এথলেটিক য়ুনিয়ন (ট্রাউ) এফ সি অমসুং নোরথ ইষ্টর্ন রি-ওরগনাইজিং কলচরেল এসোসিয়েসন (নেরোকা) ফুটবোল ক্লব অনীনা লম্বান্নদুনা শান্নখিবা মেটচনা অয়েংবশিংদা মীৎফম হোংদোকপা ঙমহনখিদে। মীয়াম চোন্না তিনখিবা মেটচ অদুগী অহানবা হাল্ফ অমসুং অনীশুবা হাল্ফকি অঙনবা শরুকফাওবদা টিম অনীমক গোল চন্নবা ঙমদনা ক্রিক-ক্রিক ইন্ন দুনা শান্নখি। মেটচ অদূ লোইশিল্লকপা ফাওবদা টিম অনিম্মক গোল অমমম চন্নবদগী দ্রো চৎখি।
এসিয়া মহাদেশকি ওইনা খ্বায়দগী লিরবা টুর্নামেন্ট অমসু ওইরিবা দ্যুরান্দ কপ অসীদা পূন্না মেটচ ৪৩ শান্নগদৌরি। চিফ ওফ আর্মী ষ্টাফ ওইরিবা জেনরেল উপেন্দ্র দ্বিবেদি,থ্রী কোরগী জি ও সি অমসুং অতৈ মকোকথোংবা আর্মীগী ওফিসিয়েলশিংনা রাজ ভবন্দা চত্তুনা হৌজিক চত্থরিবা দ্যুরান্দ কপ অসীগী মতাংদা গভর্নরগা ৱারী শানখিবগা লোয়ননা টুর্নামেন্ট অসী মায় পাক্না পাঙথোক্ননবা শীল-লাঙবগী থবক তৌরিবা মনিপুরগী গভর্নরবু থাগৎপা ফোঙদোকখি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং