মনিপুরদা লৈরিবা কুকি-জো কম্যুনিটিনা ঙাইহাক লৈতনা লমদম অসীগী য়েলহৌমীশিংদা কাইহৌদুনা খৎনবা হৌবা, নাগাশিংগী লম কয়া খোপচিনবগী থবক চত্থরক্তুনা মতম কয়াগী মমাঙদগী শীঙনরক্লিবা কয়া অসীগী মায়োক্তা নাগা তাবা এরিয়া অমত্তদা কুকি-জো কম্যুনিটিগী মীওইশিং চঙহন্দবগী খোঙজঙ ওইনা নাগা এরিয়াশিংদা হৌখিবা জুলাই ১৮ দগী মতম কক্তবা সটদাওন চত্থরগা লাক্লি।
সটদাওনগী খোঙজঙ অসীবু লুচিংলিবনা ফুটহীলস নাগা কোওর্দিনেসন কম্মিটি (এফ এন সি সি) হায়না খঙনরিবা নাগাশিংগী মরুওইবা লূপ অসীনি। চৎলিবা জুলাই থা অসীগী ২৯ দা মনিপুর পুলিস হেদক্বার্টর্স দা মকোকথোংবা পুলিশ ওফিসিয়েলশিং অমসুং এফ এন সি সিগী লুচিংবশিং পূন্না ফম্মিন্নদুনা হৌজিক নাগাশিংনা কুকি-জো গী মায়োক্তা চত্থরিবা সটদাওনগী খোঙজঙ অসীগী মতাংদা য়াম্না কূপ্না খন্নখিবগা লোয়ননা নাগাগী সটদাওন অসী হন্দোকপিনবা পুলিশ ওফিসিয়েলশিংনা আপিল তৌখি।
মসীগা লোয়ননা নাগা এরিয়াশিংদা কুকি-জো কাঙলূপকি মীওইশিং অপনবা পীদনা চৎপা য়াহন্সি হায়নসু খঙহনখি হায়রি। নাগাগী মরূওইবা লূপ অসীগী লুচিংবশিংনা পুখৎলকখিবা ৱাফমশিং অদূ মকোকথোংবা পুলিশ ওফিসিয়েলশিংনা মুন্না তারবা মতূঙদা মখোয়গী দিমান্দশিং অদূ মফম মতমগী মতূঙ ইন্না থবক্তা ওন্থোক্নবা হোৎনরক্কনি হায়না খঙহনখি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং