মনিপুরদা হৌজিক কোবিদ-১৯গী কেস মথঙ-মথঙ মায়োক্নরগা লৈরিবা চৈরকসিদা জাপানিজ ইন্সেফালাইটিস (জে ই) অমসুং কাঙনা শন্দোকপা অতোপ্পা লায়না অমা ওইরিবা দেঙ্গী গী কেস খরসু নৌনা থেংনরক্লি। কোবিদকি এক্তিব কেস মশীংনা হৌজিকমক্কি ওইনা ১০ লৈরি। হৌখিবা নুমীৎ নীনী অসীগী ওইনদি কোবিদকি অনৌবা পোজিটিব কেস অমত্তা থেংনখিদ্রে। কাঙনা শন্দোকপা লায়না লাইচৎ কয়া মায়োক্নরকপা মতম ওইবনা মীয়াম চেকশিন-থৌরাংয়াম্না কন্না লৌখৎপগী মথৌ তারি।
হৌখীবা জনুয়ারি অমদগী ঙসিফাওবদা মনিপুরদা দেঙ্গী গী কেস পূন্না ১২০ থেংনরি। মসীগী মনূঙদা বিষ্ণুপুরদা কেস ৮, ইম্ফাল নোংচূপ পানাদা কেস ৭১, চান্দেল, তেংনৌপল, চুরাচান্দপুর, কাংপোকপী, সেনাপটি, তমেংলোং অমসুং কামজোং দিষ্ট্রিক্ট শিংদা দেঙ্গী গী কেস অমমমনি। ইম্ফাল ইষ্ট দিষ্ট্রিক্ট তা মসীগী কেস ১৫,থৌবাল অমসুং ঊখ্রূলদা কেস ৪/৪ থেংনখি হায়রি।
জে ইগী ওইনা মনিপুরদা পূন্না কেস ১০ থেংনরে। মসীগী মনূঙদা ইম্ফাল ইষ্ট তা কেস ৪, ইম্ফাল নোংচূপ পানাদা কেস ২,কাংপোকপি, ককচীঙ ঊখ্রূলদা লেমহৌরিবা কেস ৪ দু থেংনখিবনি হায়না ষ্টেট হেল্থ ওফিসিয়েলশিংনা ফোঙদোকখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে