North East

লৌমী নহারোলশিংদা ষ্টার্ট অপকি খুদোংচাবা ফংহল্লগনি:চিফ মিনিষ্টর

By Sonakshi Sarkar / March 24, 2026

মনিপুরগী ওইনা লৌঊ-শীংউবগী থবক্তা মায় ওন্সীন্দুনা, মীয়ামগী থৱায় ওইরিবা চীঞ্জাক মখল কয়ামরুম পুথোকপগী থবক তৌরিবা নহা ওইরিবা লৌমীশিংদা ষ্টার্ট অপকি খুদোংচাবা পীননবা ষ্টেট লৈঙাক্কি প্লান্নিং দিপার্টমেন্ট কি ওফিসিয়েলশিংদা খঙহল্লগনি হায়না চিফ মিনিষ্টর য়ূম্নাম খেমচান্দনা ফোঙদোকখ্রে।

ঙরাং সেন্ট্রেল এগ্ৰিকলচরেল য়ুনিভর্সিতী ইম্ফালনা শীন্দুনা পাঙথোকপা “এগ্ৰি ভীজন, এগ্ৰি য়ূথ পার্লিয়ামেন্ত ২০২৬” লোইশিনবা থৌরমদা অথোয়বা মীথূঙলেন ওইনা ৱা ঙাঙবদা ৱাফম অসী চিফ মিনিষ্টরনা থমখিবনি। চিফ মিনিষ্টরনা এগ্ৰি য়ূথ পার্লিয়ামেন্ত থৌরম শীনখিবা সি এ য়ূ ইম্ফালগী ভাইস চান্সেলর অনুপম মিশ্রাবুসু থাগৎপা ফোঙদোকখি।

ইন্দিয়া অসী লৌউ-শীঙুবগী শিনফম্না চাদা ৭০ ওইবা লৈবাক অমনি। মনিপুরগী অপূনবা মীশিংগী চাদা ৭০ হেন্না এগ্ৰিকলচরদা লৈরিবনি। য়াম্না মরূওইবা সেক্টর অসিদা থবক তৌরিবা নহারোলশিংদা মখল কয়াগী খুদোংচাবা ফংহন্ননবা অখন্নবা থৌশিল পায়খৎলগনি হায়না চিফ মিনিষ্টরনা ফোঙদোকখি।

Leave a Reply Cancel reply