হৌখিবা আগষ্ট ১৩, অথৌবা মরৈবাক নীঙবশিংগী নুমিৎনা লাকপদা ৱাংজিং তেন্থা কেন্দ্রগী তেকচম লৌবূক্তা লৌ শুবা চৎখিবদগী শিনা লৌবূক্তগী ফংখিবা, খোংজোম চীঙথাম ময়ায় লৈকায়দগী চীঙথাম মনাওবীগী শোল্লবী অপোকপীদা লাইক মাইন্দেদ গ্ৰুপ ( এল এম জি) মনিপুরগী থৌমীশিংনা অঙম্বা শেলগী তেঙবাং খরা খূৎশীন্নখ্রে।
চীঙথাম মনাওবী অসী নোংমগী হাতে-হাতে শুরগা অশোনবী মমাগা লোয়ননা য়াম্না চম্না হিংজরম্বা, ফাগীসু য়াম্না তৌজবা পামজবা, পূকচেল তিংবা মীওইনি। মহাক লৈখিদ্রবা মতূঙসিদা হৌজিক মতোমতা হিংহৌরিবি শোল্লবী, অহল ওইরবি মমা অসী মীয়াম্না অঙম্বা থাক্তা মতেং পাংমিন্নসি হায়না এল এম জিগী সেক্রেটরি ওজিৎ সোরোকখাইবম্না মরী লৈনবা মীয়ামদা আপিল তৌখ্রে।
মনাওবী লৈখিদবগী লান্ন- থৌরম ফাওবা পাঙথোকপা ঙম্লোইদবগী ফীভম মায়োক্নরগা লৈরে হায়বা পাউ তাবদগী এল এম জিগী থৌমীশিংনা মনাওবীগী য়ূমদা লাক্তুনা মহাক্কি অপোকপীগী খূত্তা শেল ওইনা লূপা লীশীং নিপান শিন্নখিবনি। অষ্টি অমসুং শ্রাধা অনীমক পূন্না পাঙথোক্কদৌরিবা অদূদা শীজিন্নবা নংনবা তেঙবাং খরা অদূ পীখিবনি হায়রি।
You may also like
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি
-
এটি গী থৌমী ১৫০ হেনবনা ঈ দান তৌখ্রে