আই দি পি শিট্টলজিৎনা হন্দক পাঙথোকখিবা নিট য়ূজি এগজামদা মনিপুর পূম্বগী ওইনা ১৩৯ শুবা রেঙ্ক তারকপদা রিলিফ কম্মিটি মনিপুর অমসুং এস সি গার্লস হোষ্টেল থাঙ্গা ৱাংমা হায়স্কুল রিলিফ সেন্টর কম্মিটি অনিনা খূৎশম্নরগা মহাকপু পূক্নিং থৌগৎপগা লোয়ননা তরাম্না ওক্তুনা ঈকায়খুম্নখ্রে। তোংব্রম শিট্টলজিৎ অসী হৌজিক মনিপুরদা থোক্লিবা হীঙশাগী ঈরাং অসীদা চুরাচান্দপুর দিষ্ট্রিক্ট কি মনূঙচন্না লৈরিবা দি ফাইলেল লৈম্রাম লৈকায়দগী লাঞ্জেন্নরক্লগা হৌজিক হৌজিক্না থাঙ্গ ৱাংমা হায়স্কুল কেম্পসতা এস সি গার্লস হোষ্টেলদা হাংবা রিলিফ কেম্পতা চঙজফম লৌদুনা লৈরিবনি। মহাক্কি অপোকপগী মিংনা তোংব্রম ইবোচৌবা অমসুং অপোকপীগী মমীংনা মোইরাংথেম নিঙোল বিনা কৌই।
মহাকপু তরাম্না ওক্তুনা ঈকায়খুম্নবা অমসুং পূক্নিং থৌগৎখিবা থৌরমদুদা রিলিফ কম্মিটি মনিপুরগী চিফ কোর্দিনেটর থোইদিংজম বোন খূরায়সু শরুক য়ারদুনা, শিট্টলজিৎ না এম বি বি এস তম্বদা অচঙবা শেনফম পূম্নমক ষ্টেট লৈঙাক্কি অথোরিটিনা পুথোকপিয়ু হায়না আপিল তৌখি। মহাক্না হৌখিবা চহী অনী হেল্লবা মতমসিদা রিলিফ কেম্পতা অৱাবা কোঙ্গায় খাঙদুনা কম্পিটিটিব এগজাম য়াওনবা হোৎনরকখিবগী ৱাফম কয়াসু মীয়ামদা পাউদমখি।
থৌরমদুদা শরুক য়াখিবা মীয়াম্নসু মহাক্না পুন্সিদা অখাঙ কন্না মখাতানা হোৎনরক্তুনা কত্থোকপা অমগা লোয়ননা লৈবাক মীয়ামগী সেবা তৌবা ঙম্বা ওইরসনু হায়বা মাঙ্গোল- আশীর্বাদ পীরদুনা মীয়াম পূন্না য়াইফা থৌনিজবগী থৌরমসু পাঙথোকখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি