ষ্টেট লৈঙাক্না লৌখৎলকপা অকনবা খোঙথাঙশিংগী শরুক অমা ওইনা থৌবাল দিষ্ট্রিক্ট কি দিপ্যুটি কম্মিস্নার হান্নাহ কামৈনা দিষ্ট্রিক্ট অসীগী মীয়ামদা ওর্দর অমা থাদোরক্তুনা, লাক্লিবা জূলাই ৩০ ফাওবগী মনূঙদা লৈঙাক্কি অমদি পব্লিক প্রোপর্টি ওইনা লৈরিবা মফমশিংদা আইন কায়না লম খোপচীন্দুনা লন্নাই মীওইশিংনা য়ূম, দুকাননচিংবা ওইনা শীজিন্নরগা লৈরিবসি লৌথোক্কদবনি, মদূ নত্রবদি লৈঙাক্না খূদক্তগী ফোর্স শীজিন্নরগা তকথোক্লগনি হায়না খঙহল্লক্লিবসী মীয়াম্না মপূঙফানা শৌগৎমিন্নসি হায়রি।
দিষ্ট্রিক্ট অসীগী মনূঙচন্না ফঞ্জাখোং-চন্দ্রখোংদগী থৌবাল খেত্রি লৈকায় ফাওবদা লৈরিবা ক্লব, ওরগনাইজেসন, এসোসিয়েশন পূম্নমক্কি অপূনবা বোদি ওইনা লৈরিবা নোংপোক শয়াঙ অপূনবা লূপ (নাসাল) কি ওইবা মীফম অমা লূপ অসীগী প্রসিদেন্ট আনন্দ লাইশ্রম্না ময়ায় তাঙবল লৌদুনা ঙরাং বিষ্ণুনহা য়ূথ ফেদরেসন, য়াইরিপোক (বিৱাইএফৱা ই) কি শঙলেন্দা পাঙথোকখিবগা লোয়ননা হন্দক লৈঙাক্কি খোঙথাঙ মতূঙ ইন্না থৌবাল দি সিনা থোক্লক্লিবা ওর্দর অসী অচূম্বা ফিরেপ্নি হায়না য়ানিংবা ফোঙদোক্নখি।
দিষ্ট্রিক্ট অসীগী মনূঙচন্না লৈরিবা মীয়াম্নসু পামদবা থৌদোকশিং ইভিক্সন চত্থরকপদা থোকহন্দনবা পূন্না, অমত্তা ওইনা হোৎনমিন্নসি হায়না ফোঙদোক্নখি। দি সিনা থোকখিবা ওর্দরগী মতূঙ ইন্না পব্লিক প্রোপর্টি ওইনা লৈরিবা মফমদা আইন কায়না লম খোপচীল্লিবশিংনা ঙসীফাওবা মশা- মশানা খঙনা লৌথোক্তবসী লাইবক থীবনি হায়না য়ানীংদবসু ফোঙদোক্নখি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর