কুমশিং ২০২৩ গী মে ৪ দা শকখঙদবা মীওই খরনা ইম্ফালগী রিম্স রোদতা এত্তেক চত্থরকপদগী মতম শাংনা লায়কন্নরকখ্রবা মতূঙদা হৌখিবা ফেব্রুয়ারি ২১ দা লায়কন্নবা ঙমদনা গুরুগ্ৰামগী লন্নাই হোস্পিটাল অমদা লৈখিদ্রবা, থানলোন কেন্দ্রগী এম এল এ ভুংজাগিন বাল্টেগী থৱায় য়াওদ্রবা হকচাং অদূ হৌজিক ফাওবা ফীভম কায়হন্দনা চুরাচান্দপুর দিষ্ট্রিক্ট হোস্পিটালদা থম্লক্লি।
মহাক্কি অরোয়বা মথৌ-মঙম পাঙথোক্ট্রিবগী মরমদি, লৈঙাক্না কুকি – জো কাঙলূপকি দিমান্দ অমা ওইরিবা দিষ্ট্রিক্ট বাউন্দরি শেম্মু, বাল্টেদা এত্তেক চত্থখিবা মীওইশিং অদূ খূদক্তা ফাদুনা আইনগী ওইবা অকনবা চৈরাক ফংহল্লু, সেপরেট এদমিনিষ্ট্রেসন পীয়ূ হায়বনচিংবা অসী লৈঙাক্না থবক্তা ওন্থোক্ট্রিফাও লৈরোল চনখিরোই হায়বগীনি।
চৎলিবা চয়োল অসীগী মনূঙদা বাল্টেগী হকচাং অদূ চুরাচান্দপুর দগী আইজোলদা পুরবা মতূঙ, মফম অদুদগী ফ্লাইটতা অমুক দিল্লিদা পুখ্রগা, বি জে পি হেদ ওফিস মমাঙদা হকচাং অদূ থম্লগা দাবী ময়ামদূ নেস্নেল লিদরশিংদা তকশীনগদবনি হায়রি। ৱাফম অসী জোমি কোর্দিনেসন কম্মিটি (জেৎ সি সি) গী ৱাঙাঙলোয় ওইরিবা মুআন জৌমী না ফোঙদোরকখিবনি।অচূম্বা ৱায়েল ফংদ্রিফাওবা খোঙজঙ হনখিরোই হায়নসু মহাক্না জৌমিশিংগী ফিরেপ শেংদোক্তুনা মীয়ামদা খঙহল্লকখিবনি।
You may also like
-
আই দি পি প্রেমজিৎ চরা হেল্লক্লি, মশা শোকচীনবা হৌরক্লে
-
কার্ল মার্ক্স কি চহী ২০৮ শুবা মপোক-কুম্মোন নীংশীং থৌরম পাঙথোকখ্রে
-
এম এস সি দব্লিয়ু না সেন্ট্রেল জেল ইম্ফালগা খূৎশম্নরগা ইনমেট নূপীশিংগী এৱ্যের্নেস পাঙথোকখ্রে
-
ঊখ্রূল, কামজোং মায়কৈদা ঈরাং কন্সীল্লকপদা সি এম নুঙাইত্রে, জি ও সিগা উনখ্রে
-
সেক্যুরিটি ফোর্সনা মীচঙ-মীখায় নাইদনা ঈরাং অসি কন্ট্রোল তৌহন্নিংই : নুংলুম মুইভা