কংলৈপাক কম্যুনিষ্ট পার্টি (কে সি পি) তাইবংঙানবা ফেক্সনগী চেয়রমেন হাওবিজম দিল্লিপ এলাইজ তাইবংঙানবা, ঙরাং দিল্লিগী মফম অমদগী সেক্যুরিটি ফোর্সকি কম্বাইন টিম অমনা ফাগৎপা ঙমখ্রে।
মনিপুর পুলিস, দিল্লি পুলিসকি স্পেসিএল সেল অমদি সেন্ট্রেল ইন্টলিজেন্স এজেন্সিগী অপূনবা টিম অমনা চত্থখিবা ওপরেসন্দা মহাকপু ফাগৎখিবনি হায়রি।মহাক মফম অদূদা মিলিটেন্ট নেটৱার্কশিংগী অরোনবা মীফম অমদা শরূক য়াবা লাকখিবনি হায়না সেক্যুরিটি এজেন্সি গী পাউ অমদা ফোঙদোরকখি।
মহাক্না হায়দোরকপদগী ককচীঙগী মফম অমদগী মশীং য়াম্লবা, অফবা মখলগী খূৎশু-খূৎলায় কয়াসু পুলিসনা রিকোভর তৌখ্রে।
