কুমশিং ২০২৩ গী মে অহুমদগী ঙসিফাওবা মনিপুরদা কুকি ফূরূপ অমসুং মৈতৈ ফূরূপ অনীগী মরক্তা হীঙশাগী অকনবা ঈরাঙ অমা মায়োক্নদুনা মীওই চহুম্লোম শিখ্রবা অমদি মীওই লিশীং হুম্ফু হেনবনা মশাগী মরমদমদা ময়ূম-মকৈ মৈ চাকখিবদগী লাঞ্জেন্নদুনা তোঙান- তোঙানবা রিলিফ কেম্পশিংদা হৌজিক হৌজিকসু লাঞ্জেন্নরগা অৱাবা খাঙদুনা চহী অনী হেন্না লৈরক্লি।
চৈরকশিদা কুমশিং ২০২৩ গী মে তরেৎতা জিরিবামগী জাইরোন মার ভিল্লেজ দা লৈবা মশামক্কি ময়ূমদা খূৎলায় পায়বা শকখঙদবশিংনা জোসানকিম মার (৩১) কৌবী অমা মৈ থাদুনা, মশাগী হকচাংগী মফমশিংদা চাদা ৯৯ গী চাং য়ৌনা মৈনা চাকখিবদগী লায়কন্নবা নংদনা খুদক্তা লৈখিদবা থৌদোক অদুদা চেন্নবনি হায়বা লালহৌবা লূপ অনীগী কাদর অনী নেস্নেল ইনভেষ্টিগেসন এজেন্সিগী টিম্না ফাগৎপা ঙমখ্রে।
মখোয়দুদি নোংথোম্বম মৈরাবা অমসুং শগোলশেম সনাতোম্বা এল্লাইজ সুরচন্দ্র এল্লাইজ পিবা হায়রিবা অনী অসীনি। মৈরাবদি বিষ্ণুপুর দিষ্ট্রিক্ট তগীনি অদুগা সনাতোম্বা অসীনা থৌবাল দিষ্ট্রিক্ট তগীনি হায়রি। কাংচূপ মীহাৎকা মরী লৈননা ফাগৎখ্রবা কে সি পি (পি দব্লিয়ু জি) গী কাদর অদুনা ৱাইখোম রোহিৎ কৌই, থৌবাল পাখঙখোং লৈরক্ত গীনি হায়রি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি