চৎলিবা চহী অসীগী সেপ্তেম্বর ১৯ দগী ওক্তোবর ৪ ফাওবা জপানগী আইচি-নাগোয়াদা পাঙথোক্কদবা ২০ শুবা এসিয়ান গেম্স ২০২৬ তা ইন্দিয়ান সেপাক টাক্রো টিমদা শরূক য়াগদৌরিবা সাই এস টি সি খুমন লম্পাক ইম্ফালগী শান্নরোয় এম আশোক সিংহ অমদি য়ূম্নাম মালেমঙানবিদা য়াইফা-মাঙ্গোল পীবগী অচম্বা থৌরম অমা ঙরাং পাঙথোকখ্রে।
এসিয়ান গেম্স অসীগীদমক মখাতাবা নেস্নেল কোচিংগীদমক্তা মখোয় অনী ঙরাং ইম্ফাল থাদোকখ্রে। কোচিং কেম্প অসী আগষ্ট ২৪ দগী সেপ্তেম্বর ১৫ ফাওবা সাই এন আই সি সোনিপৎ, হরিয়ানাদা পাঙথোক্কদবনি হায়রি। সাই ইম্ফালগী মায়কৈদগী সেন্টর অসীগী সেন্টর ইন-চার্জ মাইবম রমনি চনূনা শান্নরোয় অনীগী মফমদা য়াইফা-মাঙ্গোল পীখি। লৈবাক্কি অমদি ঈরমদম মনিপুরগী মিংচৎ পুরকপা ঙম্বা ওইয়ু হায়না আশীর্বাদ পীখি।
মখোয় অনীবু পীক্লিঙৈদগী তাকপী-তম্বিরকপা সাই এস টি সি ইম্ফালগী সেপাক টাক্রো কোচ থোকচোম মুহিন্দ্রোসু য়াইফা-মাঙ্গোল পীখিবা থৌরমদুদা শরুক য়াখি। ইন্দিয়ান সেপাক টাক্রো টিম অসীদা সাই এস টি সি ইম্ফালদা লৈরম্বা এক্স ইনমেট ৮ সু শরূক য়ারিবনি। ইন্দিয়ান সেপাক টাক্রো টিম অসীদা কোচ ওইনা লুচিংলিবনা পাঙম্বম দুর্জিৎনি।
You may also like
-
এন আর সি অপদেট তৌরবা মতূঙ সেন্সসকি ৱাফম কোন্না খন্নগদবনি হায়না কিমাক্সনা প্রোটেষ্ট তৌখ্রে
-
নোং মরক্তা সেন্সসকি মায়োক্তা প্রোটেষ্ট তৌরিঙৈ ত্যার গ্যাস কাপশীল্লকপদা খোঙজঙলোয় নূপী অহুম শোক্লে
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে