গুৱাহাটিদগী বস তোংদুনা লাকখিবা পেসেঞ্জর ১০০ ঙরাং নুংথিল তেক্ত-কায়দনা ইম্ফালগী খুমন লম্পাক্তা লৈরিবা ইন্টর ষ্টেট বস টার্মিনস (আই এস বি টি) কমপ্লেক্সতা থুংলখ্রে। হুম্নি শুবা নুমিত্তা ঙরাং নূপী অমসুং অঙাঙ য়াওনা পেসেঞ্জর ২৫০ রোম হেন্না বস ৫ অমসুং ৱিঙ্গর ৭ তা গুৱাহাটিগীদমক ইম্ফাল থাদোকখ্রে। ঙরাং সেনাপটি দিষ্ট্রিক্টকি তাফৌদা পামদবা থৌদোক খরা থোকখ্রবসু ইম্ফালদগী চৎখিবা পেসেঞ্জর গারিশিংদি অপন-অরাক অমত্তা য়াওদনা গুৱাহাটি মায়কৈ পাংখি।
তাফৌদা থোকখিবা পামদবা থৌদোক অদুনা মরম ওইদুনা ইম্ফালদগী চৎখিবা পেসেঞ্জর পুবা গারিশিং অদূ পূং খরা মফমদুদা পন্থদুনা লৈখি। অদূম ওইনমক, লৈঙাক্না অহেনবা মীৎয়েং চঙলক্তুনা সেক্যুরিটিগী অহেনবা ঙাক-শেলগী থৌরাং লৌখত্তুনা নুংথিল পূং ১ রোম তারকপদা দিমাপুর মায়কৈ পাংখি। নেস্নেল হায়ৱে অসীগী খুদোংথিনিঙায় ওইবা মফমশিংদা লৈঙাক্না রোদ ওপন্নিং পার্টি অমদি অহেনবা সেক্যুরিটি পার্সোনেলশিং মতীক চানা থমদুনা মীচম মীয়ামদা খুদোংচাদবা মায়োক্নহন্দনবা হোৎনরি।
গুৱাহাটিদগী পেসেঞ্জর বস তোংদুনা ইম্ফালদা হল্লকখ্রবা মীওই অমনা লৈঙাক্কি থৌশিল অসীবু থাগৎলদুনা হায়, কাংপোকপি ফাওদুনা গুৱাহাটিদগী ইম্ফাল তম্না লাকপগী লম্বীদা খুদোংথীনিঙায় ওইবা, নুঙাইতবা থৌদোক অমত্তা মায়োক্নখিবা লৈখিদে। চহী অহূমগী মতূঙদা অসূম্না নেস্নেল হায়ৱে নম্বর টুদা বস তোংদুনা চৎপদা অপেনবা পোকই হায়খি।
You may also like
-
ইন্দিয়ানা চান্দেলগী লম স্কোৱার মাইল ১.৪ ম্যান্মারদা পীথোক্নবা থৌরাং তৌরব্রা হায়বগী চিংনবা মীয়ামগী পূক্নীংদা ফাওরি, খুঞ্জাশিং চেন্নখিবা য়ানা লৈরে: রিপোর্ট
-
জে এফ দিনা মীহূৎশিংদা ৱাহং-খোঙচৎ হৌখ্রে
-
অচুম্বা য়ুমফম লৈতে’ মণিপুরদা সেন্সসকী মমাংদা এন.আর.সি. পাংথোক্নবা তকশিনবদা কুকি কাংলুপশিংনা য়াখিদ্রে
-
কৈরাউ মায়কৈদা সেন্সসকি থবকশিং থিংজিল্লে: কোকোকো
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র