আই সি আই সি আই প্রুদেন্সিয়েল লাইফ ইন্সুরেন্স না আই সি আই সি আই প্রূ সিগ্নেচর সেক্যুর লোঞ্চ তৌখ্রে। মসী ইন্দিয়াগী লাইফ ইন্সুরেন্স ইন্দষ্ট্রীগী ওইনদি ইহান হানবা, য়ুনিট লিঙ্ক ইন্সুরেন্স প্লান (য়ুলিপ) নি।
মেচ্যুরিটি বেনিফিট গরেন্টি পীরবা প্লান অমনি হায়রি। অনৌবা প্রদক্ট অসীগী সিঙ্গল ইনভেষ্টমেন্ট সোল্যুসন অমদা অশোয়বা লৈররোইদবা রিতর্নশিং, লাইফ কভর অমসুং টেক্স-ইফিসেন্ট ৱেল্থ ক্রিয়েসনগী কান্নবশিং পূন্না ফংহল্লে। প্লান অসীগী মখাদা কষ্টমরশিংনা ৱান-টাইম ইনভেষ্টমেন্ট অমখক থাধখ্রবা মতূঙদা পোলিসি অসীগী টার্মগী মতমগী মনুংদা লাইফ কভরগী খুদোংচাবা পূম্নমক ফংবা য়ারে অদূগা চহী মঙাগী মতূঙদা মেচ্যুরিটি বেনিফিট লৌবা য়ারে। পোলিসি অদূগী টার্ম হেক লোইবদা পোলিসী হোল্ডরশিংনা ফন্দিংগী ভেল্যু অদুদগী হেন্না ফংজরগনি হায়রি।
কম্পেনি অসীনা ফোঙদোকপা মতূঙ ইন্না, প্রদক্ট অসীনা ইনিসিয়েল প্রেমিয়ম অদূগী চাদা ১৪০ ফাওবগী মেচ্যুরিটি বেনিফিট পীরগনি হায়রি। কম্পেনি অসীগী চিফ প্রদক্ট ওফিসার ভিকাস গুপ্তনা ফোঙদোকখিবা অমদা, কষ্টমরশীংনা, ফাইনান্সিয়েল প্রোটেক্সন য়াওরবা, হেন্না ফরবা পোষ্ট-টেক্স রিটর্নশিং পাম্নবা হেঙ্গৎলক্লি।প্রদক্ট অসীনা য়ুলিপ কি কান্নবশিং অদূগা লোয়ননা কষ্টমরশিংগী অনীঙবা, অপাম্বশিং অদূ মপূঙ ফানা ফংহল্লগনি হায়খি।
