ষ্টেট কেপিটেল ইম্ফাল য়াওনা তোঙান তোঙানবা দিষ্ট্রিক্ট অহুমদা মনিপুর লৈঙাক্না করফ্যু থমজিনবগী থবক মখা তানা চত্থদুনা লৈরিবা মরম্না মীয়ামগী মহৌশাগী পুন্সিদা খম থেংনা অৱাবা মায়োক্নরি। নাকল অমরোমদা, মহৈরোয়শিংনা হৌরিবা ঈহৌ অসি ঙসী-ঙরাংগী মতমসিদা খরমখৈ হীংশা হন্থখিবগী ফীভম অমা ঐখোয়না উবা ফংলি।
গ্ৰেটর ইম্ফাল অমসুং অতৈ তোঙান তোঙানবা মফমশিংদা মহৈরোয়শিং অমসুং ঈমা মৈরা পায়বীশিংনা অকনবা খোঙজং চঙশীন্দুনা লুচিংবা কয়াগী ইফিজিশিং শারগা মৈ থাবা, মরী লৈনবা দিপ্যুটি কম্মিস্নরশিংগী খূত্থাঙদা চিফ মিনিষ্টর অমসুং গভর্নরদা মেমোরেন্দম্নচিংবা পীশীনবগী থৌওংশিংদি মখা তানা চঙশীল্লী। নুংদাংগী মতমশিংদা ঈমাশিংনা লম্বীদা থোক্লক্তুনা খূত্তা মৈরা পায়দুনা কুকি- মিলিটেন্ট শিংগী থৌওংবু অকনবা মওংদা য়ানিংদবা ফোঙদোক্তুনা প্রোটেষ্ট রেল্লিশিং মফম কয়াদা চঙশীন্নরি।
কুকি- মিলিটেন্টশিংগী দ্রোণ বোম্বিং এত্তেক, স্নাইপর এত্তেক, রোকেট প্রোপেল্ড বোম এত্তেক শিংদা চৎলিবা থা অসীগী অমদগী হৌজিকফাওবদা মীওই নিপানগী পুন্সি মাঙহনখিবদগী মহৈরোয়শিং অমসুং ঈমা মৈরা পায়বীশিংগী অশাওবা খঙহেন হেঙ্গৎলকখিবনি। মহৈরোয়শিংনা হীংশা য়াওবা ঈরাং চত্থরকখিবদা পুলিসকা মূক্নরকপদগী মহৈরোয় ৮০ হেন্না অশোক- অপন থোক্তুনা হোস্পিটালাইজ তৌখিবনি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর