ঙরাং অহীং নোংয়াই চবূক্তা ইম্ফাল ৱেষ্ট দিষ্ট্রিক্টকি মনূঙ চন্না, শীংজমৈ পূলিস ষ্টেসনগী মনুঙচনবা চোংথাম লৈকায় মপাদা বোম অমা পোকখায়বদা নহা অমা শিরে।
লৈখিদ্রবা নহা অদূগী মমীং নিংথৌখোংজম সঞ্জিৎ (২২) কৌই, অপোকপগী মিংনা এন রঞ্জিৎ কৌই, মোইদাংপোক খূনৌ মমাঙ লৈকায়দগীনি হায়রি।
পুলিসকি পাউ মতূঙ ইন্না, অহীং নোংয়াই চবূক্তা শীঙজমৈ চোংথাম লৈকায় মপা, ইম্ফাল-মোরে লম্বীদা বোম অমা পোকখায়রে, নহা অমসু শিরে হায়বা পাউ অমা ফংবদগী শীংজমৈ পুলিসকি টিম অমনা মফম অদূদা চঙশীন্দুনা য়েংশিল্লুবদা মোটোর সাইকল অমগা লোয়ননা অশীবা নহা অদূ লম্বীদা তাদুনা লৈরম্বনি।মহাক্না বোম অদূ পুদুনা চৎলিঙৈদা খঙহৌদনা পোকখায়রকপদগী মফম অদূমক্তদা মহাক শিখিবা ওইরম্বা য়াই হায়না পুলিসনা ফোঙদোরকখি।
থৌদোক অসীগী মতাঙদা শীংজমৈ পুলিস ষ্টেসননা কেস অমা লৌখত্তুনা থিজিনবা হৌরে হায়রি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে