মনিপুরদা মহৈ-মশিন তাকপী-তম্বিবগী হীরমদা খ্বাইদগী অৱাংবা থাক্কি মহৈলোয়শঙ ওইনা লৈরিবা মনিপুর য়ুনিভর্সিটিদা হন্দক নৌনা, য়ুনিভর্সিটি অসীগী কম্মর্স দিপার্টমেন্টতা লৈরিবা প্রোফেসার গঙ্গা প্রসাদ প্রসাইনবু য়ুনিয়ন মিনিষ্ট্রি ওফ এজুকেসনগী মায়কৈদগী ভাইস চাঞ্চেল্লর ওইনা খূদক্তগী থৌ পুহল্লু হায়না য়ুনিভর্সিটি অসীগী রেজিষ্ট্রারদা চেরোল অমা থারক্তুনা য়াথং তাউথরকখিবা থৌওং অদূবু কন্না য়ানিংদবা ফোঙদোক্তুনা এম য়ূগী মহৈরোয়শিং অমদি তোঙান তোঙানবা মহৈরোয় লূপশিংনা অকনবা খোঙজঙ চঙশীনবা হৌখ্রে।
একাদেমিসিয়ানশিং অমদি অখঙ-অহৈ ক্রিটিকশিংনা ফোঙদোরকখিবা মতূঙ ইন্না, প্রোফেসার গঙ্গা প্রসাদ প্রসাইনবু মনিপুর য়ুনিভর্সিটিদা ভাইস-চাঞ্ছেল্লর ওইনা লৈহন্ননবা খঙহল্লক্লিবা থৌওং অদূ য়ুনিভর্সিটি অসীগী ষ্টেট্যুট ২(৬) কি মায়োক্তনি, ষ্টেট্যুট অসীবু তশেংনা খোঙ্গোয়নবনি হায়রি। ষ্টেট্যুট অসীগী মতূঙ ইন্না, য়ুনিভর্সিটি অসীগী লৈরিবা প্রোফেসার ময়ামগী মরক্তগী খ্বাইদগী সেনিয়র ওইবা অদূখক খঙ্গৎলগা ভাইস-চাঞ্ছেল্লর হাপকদবনি হায়বা ৱাফম লৈরিবনি হায়রি।
রুলশিং ময়েক শেংনা লৈরিবা অদূগী ওন্ন-তৈনবদা প্রোফেসার গঙ্গা প্রসাদ প্রসাইনবু ভি সী ওইহন্ননবা সেন্তরনা খঙহল্লক্লিবা অসী কৈদৌনুংদা য়াফম থোক্তে, হান্নদগী লৈজরিবা য়ুনিভর্সিটিগী চৎনবীশিং থুগাইরগা রাজনিতিগী ইথিল চঙলকপনি, এদুকেসন্দা রাজনিতি তৌফম নত্তে হায়বসি লৈবাক অসীগী সাসনগী চূপ্লী পায়রিবশিংনা খঙজীনগদবনি হায়রি।
You may also like
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর
-
ষ্টেট এসেমব্লিগী মীফম চত্থরগনি
-
পোৎ-চৈ পুরকপা ট্রক ৬৪৪ ইম্ফালদা চঙলকখ্রে
-
খ্বাইরম্বন্দ কৈথেলদা ঈমাশিংনা সেন্সসকি মায়োক্তা অকনবা খোঙজং চঙশীনখ্রে
-
মাউন্ট মনিপুরদা অথৌবশিংগী নীংশিং থৌরম পাঙথোকখ্রে, অতৈ মফমশিংদসু পাকসন্না পাঙথোক্নখ্রে