থা অসীগী ১৫ দা ন্যু দিল্লিদা পাঙথোকখিবা মনিপুরগী ঈরাং লোইশিন্ননবা মীফমদা শরুক য়াখিদবা চিফ মিনিষ্টর নোংথোম্বম বিরেন ঙরাং নুংথিল পূং ১.৩০ রোম তারকপদা অখন্নবা ফ্লাইট অমদা ন্যু দিল্লিগীদমক ইম্ফাল থাদোকখ্রে। চিফ মিনিষ্টর অসিনা দিল্লিদা থুংলবা মতূংদা ঙসী অয়ূক পূং ১০ তাবদা হরিয়ানাগী দুসেরা গ্ৰাউন্দা পাঙথোক্কদবা ষ্টেট অদূগী অনৌবা চিফ মিনিষ্টর নায়েব সিংহ সানিনিগী ৱাশক লৌবগী থৌরমদা শরূক য়াগনি হায়রি।
ঙসী হরিয়ানাগী থৌরম অদুদা প্রাইম মিনিষ্টর নরেন্দ্র মোদি অমসুং বি জে পিগী তোঙান তোঙানবা লুচিংবা কয়াসু শরুক য়াগদৌরি। চিফ মিনিষ্টর বিরেন্না ন্যু দিল্লিদা লৈরিঙৈদা বি জে পিনা লৈঙাকপা ষ্টেটশিংগী চিফ মিনিষ্টরিয়েল মীটিং অমদসু শরুক য়াগনি হায়রি।
মহাক্না মফম অদুদা লৈরিঙৈদা য়ুনিয়ন হোম মিনিষ্টর অমিট শাহা, লোক সভাগী এম পি ওইরিবা অদুগা বি জে পিগী নোরথ ইষ্ট ইন-চার্জগী থৌসু পুরিবা সম্বিট পট্রা অমসুং অতৈ সেন্টরগী লুচিংবশিং উনদুনা হৌজিক মনিপুরদা থোক্লিবা অকনবা হীংশাগী ঈরাং অসী লোইশিন্ননবা মীফমশিং পাঙথোক্তুনা খন্নরক্কনি হায়না পাউগী লীখূল অমনা ফোঙদোরক্লি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি