দিষ্ট্রিক্ট ফীসরি ওফিসার চান্দেল অমসুং তেংনৌপলগী মখাদা লৈরিবা ঙা য়োক্লিবা অমদি শিনফম অসীদা চঙদুনা ঙা পুথোকপা পামজবা ঙামীশিংদা ঙা মচাশিং লৈঙাক্কি অহোঙবা মমলদা ফংহনখ্রে। দিষ্ট্রিক্ট লেভেল ফীস সিদ ফার্ম, কপাম, চান্দেল, দা পাঙথোকখিবা ঙা মচাশিং ফংহনখিবা থৌরম অদুদা চান্দেল অমসুং তেংনৌপলগী দিষ্ট্রিক্ট ফীসরি ওফিসার ওইনা থৌ পুরিবা অঙোম মোমোনা হায়, মনিপুরগী মীয়াম অসীগী অপূনবা মশীংগী চাদা ৯৮ দি ঙা অসী য়াম্না পাম্না চানরিবা, মরূওইবা চীঞ্জাক অমনি।
মনিপুরগী মীয়াম অসীনা চহী খূদীংমক্কী দিমান্দ তৌরিবা ঙাগী পোত্থোক্তি য়াম্মি অদুগা ফংলিবা ঙাগী পোত্থোক্তি মীয়ামগী দিমান্দ অসীগী তঙ্খাই ফাওবা য়ৌহনবা ঙমদ্রি।মরম অসীনা ঐখোয়না চহী খুদিংগী মনিপুরগী মপান্দগী ঙা লৈদুনা ষ্টেট অসিদা পুশিল্লকপদা লূপা ক্রোর চহুমগী মথক্তা চাদীং তৌরি। ঙাগী পোথোক হেঙ্গৎহনবগা লোয়ননা ঙামীশিংগী শেন্মিৎলোন ফগৎহন্ননবা পান্দমদা মীয়ামদা, মরূ ওইনা ঙা য়োকপা পাম্বা অমদি হৌজিক হৌজিক শিনফম অসীদা লৈরিবা ঙামীশিংদা অহোঙবা মমলদা ঙা মচাশিং য়েন্থোকপগী থৌশিল অসী পায়খৎলিবনি হায়খি।
হৌখিবা থাংজা নুমিৎতা পাঙথোকখিবা প্রোগ্ৰাম অদুদা চান্দেল অমসুং তেংনৌপলদগী লাকখিবা ঙামী ৫০ দা পূন্না ঙা মচা লিশীং কূন্থরারোম য়েন্থোকখি।