কোষ্ট ইনফ্লেসন ইন্দেক্স তা য়ূম্ফম ওইরগা পারলিয়ামেন্টকি মেম্বরশিংগী সেলরি অসী হৌজিক লৈরিবা অসীদগী চাদা ২৪ হেঙ্গৎহল্লগনি হায়না সেন্টর লৈঙাক্না ৱারেপ লৌখ্রে। সেলরি হেঙ্গৎপগী থৌওং অসী লাক্লিবা এপ্রিল অমদগী চৎনবা হৌরগনি হায়রি। পারলিয়ামেন্টরি এফিয়র্স মিনিষ্ট্রিনা ইস্যু তৌখিবা নোটিফিকেসন অমগী মতূঙ ইন্না, সিট্টিং মেম্বরশিংগী দেইলি এল্লাৱেন্সশিংসু হেঙ্গৎহনখ্রে অদুগা পেন্সনসু হেঙ্গৎহনখি।
মসীগা লোয়ননা পারলিয়ামেন্টগী মেম্বর অমনা হৌজিক্তি থা অমদা লূপা লাখ ১.২৪ সেলরি ওইনা ফংলগনি। হান্নদি এম পি অমনা থা অমদা সেলরিগী শেনফম অসী লূপা লাখ ১ ফংদুনা লাক্লিবনি। দেইলি এল্লাৱেন্স সু হৌজিক ফংলিবা লূপা ২,০০০ অসীগী মহূত্তা লূপা ২,৫০০ ওইনা ফংলগনি হায়রি। পারলিয়ামেন্টগী থবক্তগী পোত্থারবা মেম্বর অমনা ফংদুনা লাক্লিবা থা অমগী পেন্সনগী শেনফম অসী লূপা ২৫,০০০ নি। অদূম ওইনমক মিনিষ্ট্রিগী অনৌবা নোটিফিকেশন অসীগী মতূঙ ইন্না হৌজিক্তি থা অমদা লূপা ৩১,০০০ ফংলগনি হায়রি।
মিনিষ্ট্রিগী নোটিফিকেশন অসী সেলরি, এল্লাৱেন্সেস এন্দ পেন্সন ওফ মেম্বর্স ওফ পারলিয়ামেন্ট এক্ট না পীরিবা শক্তি অদুগী মখাদা ইস্যু তৌখিবনি অদূগা ইনকম টেক্স এক্ট ওফ ১৯৬১ গী মখাদা স্পেসিফাই তৌরিবা কোষ্ট ইনফ্লেশন ইন্দেক্স অদুদা য়ূম্ফম ওইরগা থোকপা নোটিফিকেসন্নি হায়রি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না