রাষ্ট্রিয়া স্বায়মসেবক সঙ্ঘ ( আর এস এস) না লৈবাক অসীগী ইদুকেসন সেক্টরবু মপূঙফানা কন্ট্রোল তৌখিবা তারবদি ইন্দিয়া পূম্মাঙ মাঙখ্রগনি হায়না লোক সভাদা ওপ্পোজিসন লিদর ওইনা লৈরিবা কংগ্রেস লুচিংবা রাহুল গান্ধীনা অকনবা ৱাফমগা লোয়ননা অঙকপা ফোঙদোকখ্রে।
কংগ্রেস পার্টিগী হান্নগী নেস্নেল প্রসিদেন্ট অসিনা হায়, ইন্দিয়া ব্লোকতা মেম্বর ওইনা লৈমিন্নরিবা কন্সটিট্যুয়েন্ট পার্টিশিংগী মশা-মশাগী ওইবা তোঙান তোঙানবা আইদিওলোজি লৈনবা মরম্না খেন্নবা খরা-খরদি লৈনরমগনি, লৈফমসু থোকপনি অদুবু লৈবাক অসীগী ইদুকেসন সিষ্টেম অসীদা কমপ্রোমাইজ তৌবগী ৱাফম অদুদদি কনামত্তনা য়াবা ঙম্লোই হায়না মহাক্না ফোঙদোকখি।
লৈবাক অসীগী তুংলমচৎ অমসুং ইদুকেসন সিষ্টেম পূম্মাঙ মাঙহনবা পাম্বা ওরগনাইজেসন অমখক লৈরি। মদু অতৈ কনা নত্তে, আর এস এসনি হায়খি। মখোয়গী খূত্তা লৈবাক অসীগী ইদুকেসন সিষ্টেম অসি তাখ্রবদি ইন্দিয়া অসী অমূক হন্না শেমগৎপা ঙমদনা তুম্না মাঙখ্রগনি হায়না মহাক্না ফোঙদোকখি। হৌজিকসু আর এস এস না লৈবাক অসীগী তুংলমচৎ অমসুং ইদুকেসন সিষ্টেম কন্ট্রোল তৌবা হৌরক্লি। মসী ইন্দিয়ানশিংগী ওইনা খ্বায়দগী লাইবক থীবনি হায়খি।
ইন্দিয়ান কনা অমত্তা থবক ফংলরোই অদুগা লৈবাক অসীসু পূম্লোই লোইরগনি হায়না নেস্নেল ইদুকেসন পোলিসিগী মায়োক্তা ইন্দিয়া ব্লোক্কি মখাদা লৈরিবা মহৈরোয় লূপশিংনা চঙশীনখিবা প্রোটেষ্ট রেল্লি অমদা শরুক য়াখিবা গান্ধীনা ফোঙদোকখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে