লমদম অসীদা মহৌশাগী ঈং-তপ্পা শক্তম হঞ্জিল্লক্নবা পান্দমদা সেক্যুরিটি ফোর্স কি কম্বাইন্দ টিমশিংনা চীঙ অমসুং তম্পাক্কি মফমশিংদা সর্চ ওপরেসনশিং নোংমা কাংদনা পাক-সন্না চত্থদুনা লাকপগী মখা তারকপদা ঙরাং ককচীঙ দিষ্ট্রিক্টকি মফম খরদগী য়াম্লবা নোংমৈশিং ফাগৎপা ঙমখ্রে।
অকক্নবা পাউ অমদা য়ূম্ফম ওইরগা ককচীং দিষ্ট্রিক্ট পুলিস অমদি ৪৩ এআরগী অপূনবা টিম অমনা থি-হূম্বগী থবক চত্থবদা, হীয়াংলম পুলিসকি মনূঙ চনবা বাসিখোং মরীল অমসুং খোইদুম পাৎকি অকোয়বা এরিয়াশিংদগী য়াম্লবা নোংমৈশিং ফাগৎপা ঙমখিবনি।
রিকোভর তৌরবা নোংমৈশিং অদুদি, পোইন্ট ৩০৩ এল এম জি অমা, একে ঘট্টক রাইফল অমা, এস এল আর অনী, পোইন্ট ৩০৩ রাইফল অমা, সিঙ্গল বেরেল গন মরি, দব্বল বেরেল গন অমা, পিষ্টোল অনী অমদি হেন্দহেল্ড রেদিও সেট তরুক্নি।
নোংমৈশিং অদূ হিয়াংলম পুলীস ষ্টেসন্দা খূৎশীন্নখ্রে হায়রি।
