ককচীংদগী খেত্রিময়ূম দিলিপনা পি ঐচ দি ফংবা মনিপুরগী ইহান হানবা দিসএবল পার্সন অমা ওইবা ঙমখ্রে। লোকোমোটর দিসএবল পার্সন অমা ওইনা লৈরিবা দিলিপনা পি ঐচ দি দীগ্ৰী ফংলকপদা দিসএবল দেভেলপমেন্ট এসোসিয়েসন, মনিপুর (দি দি এ এম) অমদি হ্বিলচ্যের বাস্কেটবোল এসোসিয়েসন মনিপুরগী মায়কৈদগী তরাম্না ওক্লকপগা লোয়ননা হরাওবা অমসুং থাগৎপা ফোঙদোরক্লি। মিজোরাম য়ুনিভর্সিটি, আইজোলগী দিপার্টমেন্ট ওফ জিওগ্ৰাফি এন্দ রিছোর্স মেনেজমেন্ট গী মখাদা পি ঐচ দি ফংলকখ্রবা দিলিপকি থেসিসনা “এ জিওগ্ৰাফিকেল ষ্টদি ওন ক্রাইম এন্দ রিফোর্মস ইন্ট্রোদ্যুস্দ ফোর দি প্রিজনর্স ওফ সেন্ট্রেল জেল্স ইন মনিপুর” হায়বসিনি।
মিজোরাম য়ুনিভর্সিটিগী এসিষ্টেন্ট প্রোফেসর দা. নাউরেম বোবিগী মীৎয়েং মখাদা দিলিপনা রিছার্স তৌরকখিবনি। মহাক ককচীঙদগী খেত্রিময়ূম মঙ্গিজাউ অমসুং খেত্রিময়ূম ওঙবী মোম্বী অনীগী মচানূপা অহলনি। দিলিপ অসী দিদিএএম অমসুং হ্বীলচ্যের বাস্কেটবোল এসোসিয়েসনগী মেম্বর অমা ওইবতা নত্তনা লোকোমোটর দিসএবিলিটিজ ক্রিকেট অমদি হ্বীলচিয়র বাস্কেটবোলগী শান্নরোয় অমসু ওইরিবনি হায়না দি দি এ এমগী জেনরেল সেক্রেটরি মোহম্মদ য়ুনুস খান্না খূৎয়েক পীদুনা থাদোরকপা চেরোল অমদা ফোঙদোরক্লি।
দিসএবল ওইরবশিংগী রাইটকিদমক খোল্লাউ কয়া লাউদুনা দিদিএএম্না না লাক্লিবা অসিদা দিলিপ্না চাউরবা থৌদাং কয়া লৌদূনা লাক্লিববনি হায়না চেরোল অসিদা ফোঙদোরক্লি।