নূপী এম এল এ অমদা সোসিয়েল মীদিয়াদা করেম-কথায়নরগা অকাম-অপেৎ ঙাঙলুবনি হায়বা মীওই অমা সাইবর ক্রাইম পুলিসনা ফাগত্তুনা ৱারক ৱাতেম তৌরবা মতূঙদা মশাগী ময়ূমদা হূ থক্লুবদগী হোস্পিটালদা লায়ককন্নবা ঙমদনা লৈখিদ্রে।
লৈখিদ্রবা মীওই অদূগী মমীং পাউনম ধনেশ্বর (৬০) কৌই, ইম্ফাল ইষ্ট দিষ্ট্রিক্টকি খূরায় সাজোর লৈকায় তিন্সিদ রোদতগীনি। মচানূপী অনী অমসুং মহাক্কি লোয়নবী লৈহৌরি।
মহাক হূ থক্লে হায়বসি হৌখিবা সেপ্তেম্বর ৩০ গী নুংথিল পূঙ অনীরোম তাবদা ঈমূঙগী মীওইশিংনা খঙনরকখিবনি হায়রি। খূদক্তা মহাকপু পোরোম্পাত্তা লৈরিবা জেনিমস হোস্পিটাল দা পুখত্তুনা লায়কন্নরকখিবনি অদূবু ঙরাং অয়ূক পূঙ ৯ তাবদা হোস্পিটাল অসিমক্তদা লৈখিদবনি।
মীশী অসীগী মতাঙদা কোংপাল মায়কৈগী মৈরা পায়বীশিংনা ৱাকৎ মীফম চত্থখিবগা লোয়ননা, লৈখিদ্রবা মীওই অসীনা এম এল এ অমগী মতাঙদা ৱাফমশিং ফোঙদোকখিবা অদুগী মতাঙদা অকনবা ৱাফম ফোঙদোরক্তুনা সোসিয়েল মেদিয়াদা ভাইরেল চৎহনখিবা নাউরিয়া পাখঙলাকপা কেন্দ্রগী মীওইশিং অদূ ফাগত্তুনা অকনবা চৈরাক পীগদবনি হায়না দিমান্দ তৌখি। মীওইশিং অদূ ফাগত্রিবা ফাওবা অশীবা হকচাঙ লৌখিরোই হায়রি।
You may also like
-
হীঙশাগী ঈরাং অসীনা মীয়ামদি ৱাবনা খম থেংলে, খাং মথক্তা ঙৌরে: কংলৈপাল
-
জন্ননেটা ইরাবোতকি ১৩০ শুবা মপোক-কুম্মোন ষ্টেটকি থাক্তা পাঙথোকখ্রে
-
ইরাবত দে থৌরমদা শীৎ-শেংবগী থৌরম পাঙথোকখ্রে
-
এম এল এগী ইজ্জৎ শোকপা ৱাফম থম্লকপগী মায়োক্তা মীয়াম্না পেন্দবা ফোঙদোকখ্রে
-
আই দি পিশিং মহৌশাগী ময়ূমদা হঞ্জিলহনবিরো : কুল্লা মঙাং