থৌবাল দিষ্ট্রিক্ট কি থৌবাল খূনৌদা লৈরিবা সোলিদ ৱেষ্ট মেনেজমেন্ট প্লান্ট দা ঙরাং রুদা একাদেমি, থৌবালগী ফাউন্দরনা লুচিংবা মহৈরোয়শিং অমদি ওজাশিংনা ভিজিট পাঙথোক্তুনা য়েংখ্রে।
মফম অদূগী ম্যুনিসিপাল ওফিসিয়েলশিং অমদি ৱার্দ নম্বর ১৮ গী কাউন্সিলর এম রবিনা লুচিংবা পার্সনেলশিংনা মহৈরোয়শিং অদুদা, প্লান্ট অদুনা চত্থরিবা টেক্নিকেলগী থবক-থৌরমশিংগী অকূপ্পা ৱারোলশিং ফোঙদোক্তুনা দেমোন্সট্রেসন পীখি। ম্যুনিসিপাল ৱেষ্ট মেনেজমেন্ট অমদি প্রোসেসিংগী মরমদা মহৈরোয়শিং অদুদা নীংথীনা খঙহনখি। অমোৎ-অকায়গী ওইবা পোৎলমশিং মতৌ করম্না খোমজীন-তাশীন্দুনা লোইশিনগনি হায়বদু খঙহনখি।রিসাইকল তৌদুনা মীয়ামদা কান্নবা পীবগী মতাঙ, ওর্গানিক ৱেষ্ট মেটরিয়েলশিং মতৌ করম্না হার ওইনা পুথোক্কনি হায়বনচিংবগী মতাঙদসু মহৈরোয়শিং অদুদা খঙহনখি।
ঐখোয়গী অকোয়বগী শক্তম কন্দুনা, ঙাক-শেন্দুনা থম্ননবা, মালেম অসীদা লৈরিবা মীওইবা অমসুং অতৈ থৱায় পানবা পূম্নমক তুং কোইনা হিংদুনা লৈননবা ৱাখল্লোন মহৈরোয়শিংদা লৈগদবনি। রুদা একাদেমিগী মহৈরোয়শিংনা হীরম অসীদা থৱায় য়াওশীনবা উবদা অপেনবা পোকই হায়না কাউন্সিল্লর রবিনা শীঙথাখি।
You may also like
-
এন আর সি খূদক্তা অপদেট তৌগদবনি হায়দুনা লিলোংদা ৱাকৎ মীফম চত্থখ্রে
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার
-
উমংলাই কন্সি, কাঙলোন চুম্না হরাওসি হায়বসিদা মীফম পাঙথোকখ্রে