থা অসীগী ১৩ গী নুমিদাং ৱাইরম পূঙ ৬ লোম তারকপদা ইম্ফালগী চীংমৈরোং খোংনাং অনী কারক্তা লৈবা মাজো হব, চীংমৈরোং ব্রাঞ্চ মমাঙদা বোম পোকখায়হন্দুনা মীয়াম অমসুং হব অসীগী ষ্টাফশিংদা ককী-অখঙ নংহনখিবা থৌওং অদূবু কন্না য়ানিংদবা ফোঙদোক্তুনা ঙরাং মাজো হবকি ব্রাঞ্চ অসীগী কমপ্লেক্সতা মসীগী ষ্টাফশিংনা ৱাকৎ মীফম চত্থখ্রে। ব্রাঞ্চ অসীগী মেনেজর এল অথৌবনা ফোঙদোরকপা মতূঙ ইন্না, মমাঙদা কনাগুম্বা লন্নাই মীওই নত্রগা লূপ অমত্তগা নিংঙাই শংদান্নখিবসু লৈতে। নুঙাইতবা অমদি পেন্দবা লৈরবসু ৱারী শান্নদুনা ঈংনা লোইশিনমিন্নবা য়াই। মতূঙদা অসীগুম্বা থৌওংশিং অমত্তা চত্থবিগনু হায়খি।
নাকল অমরোমদা, বোম পোকখায়হনখিবা থৌদোক অদূ কে সি পি, এম সি প্রোগ্ৰেসিবনা চত্থখিবনি হায়বা ৱাফম ফোঙদোক্লদুনা লূপ অসীনা ক্লেইম তৌরক্লি। লূপ অসীগী ইনফোর্মেসন এন্দ পাব্লিসিটি সেক্রেটরি মহৈখোম্বা মৈতৈনা খঙহল্লকপা মতূঙ ইন্না, বোম অদূ শেলগী দিমান্দ অমত্তগা মরী লৈনদে। অমোৎ-অকায়, ফত্ত-হৌদি মফম চানা হুন্দোক্নবা কয়ারক হঞ্জিন-হঞ্জিন্না হায়রবসু থৌশা-ৱাশাদনা, ঙকচাও থেকপগীদমক ৱার্নিং পীখিবনি হায়রক্লি।
কনাগুম্বা অতোপ্পা মীচম অমত্তদা শোক্তনবা মওংদা চত্থখিবনি হায়রক্লি। অমোৎ-অকায় নীংথিনা দিস্পোজ তৌননবা হায়বদা মদূ পূক্নীং চঙনা তাবগী মহুত্তা লূপকি লূচীং-পুরেল ওইরিবা চ্যেরমেন চীঙ্খৈ খূমন্দা অকন-অরীং শীংনরকপগীদমক ৱার্নিং তৌবনি হায়না শেংদোরক্লি।
You may also like
-
এটি গী থৌমী ১৫০ হেনবনা ঈ দান তৌখ্রে
-
নাগাশিংনা ফাগৎপিয়ু হায়না খূৎ থিন্দুনা লাকখিবা পুলিস কন্সটেবলগী মথক্তা ইনক্বারি চত্থবা হৌখ্রে, সস্পেন্দ তৌখ্রে
-
ষ্টেট সোং মীয়াম্না শক্নবগী প্রোটোকোল অমা শেম্বিয়ু: সুসিন্দ্রো
-
মীয়াম্না মতৌ করম্না খোঙজঙ চঙশীনগদগে হায়বদু লৈঙাক অসীনা লাউথোকপিরো: ঈমাগী মৈরা
-
নাগা-কুকিগী ঈরাং লেপহন্নবা অখন্নবা থৌশিল পায়খৎনবা ঐচ আর দব্লিয়ুনা খঙহল্লকখ্রে