কংলৈপাক ইন্দিজিনস মার্সিয়েল আর্ট এন্দ কলচর সোসাইটি (কিমাক্স) না লমদমসিদা এন আর সি হান্না অপদেট তৌগদবনি, মদূ মপূঙফানা লোইরবা মতূঙদা সেন্সসগী মতাঙদি য়াম্না তপ্না খন্নগদবনি, হৌজিক সেন্সসকি ৱাফম অমত্তা মনিপুরদা পুশিল্লকপা য়ারোই হায়বা খোল্লাউ কয়াগা লোয়ননা কিমাক্সকি মশীঙ য়াম্লবা থৌমীশিং অমদি গভর্নমেন্ট ম্যুজিক এন্দ দান্স একাদেমিগী মহৈরোয়শিংনা পেলেস কম্পাউন্দ দা লৈবা কোল্লেজ অসীগী মমাঙদা অচৌবা ৱাকৎ মীফম অমা চত্থখ্রে।
কিমাক্সকি ভাইস প্রসিদেন্ট থাংজম সুরজনা থৌরমদুদা হায়, লমদমসিদা মতম কয়াগী মমাঙদগী মীতোপ মীয়ানশিং য়ূমথঙনরিবা ম্যান্মার অমসুং বাংলাদেস মায়কৈরোমদগী আইনগী ৱাংমদা চঙশীল্লক্লগা খুন্দাশিনখিবদগী য়েলহৌমীশিংদা খ্বাইদগী অকনবা চৈথেং অমসুং শাফূ পীরক্লবা মতমসি য়ৌরফাও লৈঙাক অসীনা মমীৎ তাঙশীন্নদুনা, মনা পঙশীন্নদুনা লাকখিবগী মহয় ঙসীদি য়েলহৌমীশিংনা ফংবা হৌরক্লি।
ফোরেন ইম্মিগ্ৰেন্টশিংনা য়েলহৌমীশিং তান্থোক্লগা মনিপুর অসী মখোয়না লৌশীন্ননবা হোৎনরক্লে। ঐখোয়গী মমল য়াম্লবা ঈচা-ঈনাওশিং হাৎখ্রে, মশীং লাকঙমদ্রবা লন-থুম মাঙহনখ্রে, য়ূম লীশীঙ লীশীং মীৎনা কূপ্পদা ঊৎ ওলহনখ্রে। মরম অদুনা ফোরেন্নরশিং অসী মপূঙ ফানা তকথোকখ্রবা মতূঙদা সেন্সসকি থবক পায়খৎকদবনি। হৌজিক ঐখোয়গী মাঙদা মথৌ তারিবা ঈথৌদাংদি মীতোপ খন্দোক্তুনা তকথোকপা হায়বসিনি হায়খি।
You may also like
-
আইন কায়না লম্বী শেমজীল্লক্লে, লৈঙাক্না থিংবিয়ু: ওর্গানাইজেসন
-
মনিপুর কন্সি হায়রবদি হৌজিকসু মতম লৈরি, লৈঙাকলোয়শিং চোংথোকপিরক উ: তোম্বা
-
চাইল্ড প্রোটেক্সনগী এৱ্যের্নেস প্রোগ্ৰাম পাঙথোকখ্রে
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে