ঙরাং অয়ূক অঙনবা, পূং ৫ রোম তারকপা অদূৱায়দা ইম্ফাল ৱেষ্ট দিষ্ট্রিক্টকি লম্ফেল পুলিস ষ্টেসনগী জুরিসদিক্সন মখাদা লৈরিবা শঙাইপ্রৌ মমাঙ লৈকায়, এফ সি আই গোদাউনগিনা মনীঙদা লৈবা হোদাম রাকেস (৪০) , অপোকপা লৈখিদ্রবা য়াইমগী য়ূমদা শকখঙদবা মীওইশিংনা শক্তি লৈরবা বোম অমা লংশিল্লক্তুনা অকি-অখং থোকহল্লম্লে। থৌওং অদূবু য়ানিংদবা ফোঙদোক্তুনা লমদম অদোমগী মীয়াম্না শঙাইপ্রৌ মমাঙ লৈকায় কম্যুনিটি হোলদা ৱাকৎ মীফম অমা চত্থখ্রে।
লাইবক ফবদগী বোম অদূ পোকখায়খিদে, পিন শত্তোক্লগা রাকেসকি য়ূমগী শুমাঙদা তাদুনা লৈরম্বা থেংনরকখিবনি হায়রি। কনানা করি মরমগীদমক বোম অদূ লংশিল্লম্লিবনো হায়বদু হৌজিক খঙবা ঙমদ্রি।
শঙাইপ্রৌ অপূনবা নূপী লূপ, শঙাইপ্রৌ নহারোল ক্লব অমসুং শঙাইপ্রৌ য়ং দেভেলপমেন্ট কম্মিটিনা শীন্দুনা, থৌদোক অদূবু য়ানিংদবা উত্তুনা শঙাইপ্রৌ ময়ায় লৈকায় কম্যুনিটি হোলদসু ৱাকৎ মীফম চত্থখি।
লাইবক ফবদগী বোম অদূ পোকখায়হৌদবনি। করিগুম্বা বোম অদূনা পোকখায়রম্বা তারবদি মীশী-মীনা মায়োক্নরমগদবনি। মীচমশিংনা খুন্দারিবা মফমশিংদা বোম, নোংমৈনচিংবা কাপশীন্দুনা অকি-অখং থোকহনবগী মথক্তা মী হাৎপা, শোকহনবগী থৌওংশিং লমদম অসীদা য়াম্না তোয়না চত্থয়ক্লিবসি লৈঙাক্না অকনবা মীৎয়েং চঙদুনা অকনবা আইনগী ওইবা চৈরাক পীদুনা, থিংনবা থবক পায়খৎপিয়ু হায়না ৱাকৎলোয়শিং অদুনা ফোঙদোকখি।
You may also like
-
দেসামগী থৌমীশিংনা ইম্ফাল এয়রপোর্টতগী য়াম্লবা ফোরেন লিকর য়াওবা লগ্গেজ ৬০ ফাগৎখ্রে
-
ৱাহোং রেদিওগী মপোক-কুম্মোন থৌরম পাঙথোকখ্রে
-
খূরায়দা বোম লংশিল্লম্বগী মায়োক্তা মীয়াম্না অকনবা প্রোটেষ্ট চত্থখ্রে
-
এন আর সি থবক্তা ওন্থোক্তুনা মীতোপ খন্দোক্ট্রিঙৈদা সেন্সস তৌবা য়ারোই: জে এফ দি
-
কম্মনৱেল্থ গেম্সতা গোল্ড লৌরকখ্রবা মনিপুরগী ৱেথলিফ্টর মিরাবাই চনূদা লূপা লাখ ৩০ খূৎশীন্নখ্রে