খুঙ্গংগী এরিয়াশিংদা লৈরিবা অহল-লম্মন, ঈমা-ঈবেল, পাখঙ-লৈশাবী কয়াগী নুংতিগী পুন্সিদা নুঙাইরবা অমদি কান্নরবা থৌরম কয়া শন্দোক্তুনা অনৌবা পুন্সিগী মহাও পীদুনা কম্যুনিটি রেদিও অমা ওইনা মীয়ামগী সেবা তৌদুনা লাক্লিবা দাইমন্দ রেদিও, মেগাহর্জ ৯০.০ হৌদোকখিবগী কুম্মোন থৌরম অমা ঙরাং খোংজোমদা লৈরিবা দাইমন্দ টি ভিগী ওফিসতা মপূঙফানা পাঙথোকখ্রে।
মশীঙ য়াম্লবা ইমা-ইবেলশিং, পাখঙ-লৈশাবি, অহল-লম্মন কয়া শরুক য়ারদুনা অয়ূক পূঙ ১০ তাবা মতমদগী নুমিদাং পূং ৮ ফাওবা থৌরম পাঙথোকখি। শরূক য়াখিবশিংনা মাগী মাগী খঙজবা, হৈজবা আর্ট অমসুং কলচরগা মরী লৈনবা ঈশৈ-নোংমাই, ফাগি, মোনোলোক্নচিংবা অমসুং ৱারী-ৱাতায় কয়া পাঙথোক্তুনা থৌরম য়েংলিবা অমসুং তারিবা মীয়ামগী পূক্নিং চিংশিনখ্রে। ৱাহোং রেদিও হৌদোরকখিবা মতমদগী ঙসীফাওবা নোংমদা পূং ২০ থৌরম শন্দোক্তুনা লিষ্টনরশিংদা অনৌ-অনৌবা লৌশিং কয়ামরুম পীদুনা লাক্লিবনি।
ঈমা সোরোজিনি, পদ্মশ্রি নামৈরাকপম কুঞ্জরানি, সি আর পি এফ কি সেকেন্দ-ইন-কম্মান্দ ৱাংখৈময়ূম নন্দিনি, ন্যু দাইমন্দ টি ভিগী দিপ্যুটি মেনেজর সরাংথেম প্রিয়াদর্সিনি অমসুং ৱাহোং রেদিওগী মেনেজিং দিরেক্টর জেম্স হৈক্রুজম্নচিংবা মীওইশিংসু থৌরম অদুদা শরূক য়াখি।
You may also like
-
দেসামগী থৌমীশিংনা ইম্ফাল এয়রপোর্টতগী য়াম্লবা ফোরেন লিকর য়াওবা লগ্গেজ ৬০ ফাগৎখ্রে
-
বোম লংশিল্লম্বগী মায়োক্তা মীয়াম্না অকনবা প্রোটেষ্ট চত্থখ্রে
-
খূরায়দা বোম লংশিল্লম্বগী মায়োক্তা মীয়াম্না অকনবা প্রোটেষ্ট চত্থখ্রে
-
এন আর সি থবক্তা ওন্থোক্তুনা মীতোপ খন্দোক্ট্রিঙৈদা সেন্সস তৌবা য়ারোই: জে এফ দি
-
কম্মনৱেল্থ গেম্সতা গোল্ড লৌরকখ্রবা মনিপুরগী ৱেথলিফ্টর মিরাবাই চনূদা লূপা লাখ ৩০ খূৎশীন্নখ্রে