ক্রেফটন ইন্দিয়া রাইজিং ষ্টার ইনভাইটেস্নেল ২০২৬ তা ক্রেজি ক্রেটোসনা চেম্পিয়ন লৌখ্রে

ইন্দিয়াগী ইহান-হানবা বিজিএমআই ইনভাইটেস্নেল টুর্নামেন্ট অমা ওইরিবা ক্রেফটন ইন্দিয়া রাইজিং ষ্টার ইনভাইটেস্নেল ২০২৬ তা রাইজিং ষ্টার রোহিত “ক্রেটোস” সক্সেনা না লুচিংবা ক্রেজি ক্রেটোসনা চেম্পিয়ন লৌদুনা চেম্পিয়ন ক্রাউন ঊপখ্রে।ইনভাইটেস্নেল টুর্নামেন্ট অদূ ক্রেফটন ইন্দিয়া ইস্পোর্টস রাইজিং ষ্টার্স প্রোগ্ৰামদা য়াওরিবা প্লেয়রশিংখক্তগী মরক্তগী খনগৎলগা শান্নখিবনি।মেচ ১৮ লৈখিবগা লোয়ননা নুমিৎ হুম্নি চূপ্না অকনবা লম্বা পানদুনা শান্নখিবদা ক্রেজি ক্রেটোসনা পোইন্ত ১৯৩ ফংদুনা চেম্পিয়ন টাইটল লৌখি। ৱিন্নর ৱিন্নর চিক্কন দিন্নর(দব্লিয়ু দব্লিয়ু সি দি) অহুমসু টিম অসীনা ফংবা ঙমখি।

জষ্টিস জেষ্টর্স না পোইন্ত ১৬৬ ফংদুনা রন্নর্স-অপ তাখি। অহুমশুবা মফম্না মোষ্ট ৱান্টেদ না ফংখি। টিম অদূনা পোইন্ত ১৪৬ কা লোয়ননা দব্লিয়ু দব্লিয়ু সি দি অনীসু ফংখি। রোহিট ক্রেটোস সক্সেনা দা মোষ্ট ভেল্যুয়েবল প্লেয়র (এম ভি পি) অমসুং বেষ্ট রাইজিং ষ্টার ওফ দি টুর্নামেন্ট টাইটল পীখি।জুলাই অহুমদগী মঙা ফাওবা নুমিৎ হুম্নি চূপ্না পাঙথোকখিবা থৌরম অদুদা রাইজিং ষ্টার ১৬ না শরূক য়াখিবনি। লূপা লাখ মঙাগী প্রাইজ পুলদা চত্থখিবা টুর্নামেন্ট অদূগী মেচশিং ক্রেফটন ইন্দিয়া ইস্পোর্টস য়ূ ট্যুব চেন্নেলদা লাইব ষ্ট্রিমিং তৌদুনা শন্দোকখিবনি। টোপ স্পোট অদূগীদমক শান্নখিবা মওং অদূ অঙকপগী মশক অমা ওইখি।

মেচ তরূককি ওপন্নিং লোইখ্রবা মতুংদা,অহানবা নুমিত্তা জেটিন হন্তর্স না ষ্টেন্দিং পুম্নমক্কি মকোকতা লৈখি।টিম অসীনা পোইন্ত ৭৪ ফংখি। অনীশুবা নুমিত্তদি ক্রেজি ক্রেটোসনা মকোক্তা অমুক হাইগৎলকখি। টিম অসীনা মেচ ১২ গী মতূঙদা পোইন্ত ১৩৭ ফংখি।ক্রেফটন ইন্দিয়া গী এসোসিয়েট দিরেক্টর ইস্পোর্টস কারন পাঠক্না ক্রেজি ক্রেটোসপু থাগত্তুনা হরাওবা অপেনবা ফোংদোকখি।