মনিপুরনা মনীঙতম্না নিংথৌগী লৈঙাক-সাসন লৈরিঙৈ, কুইখ্রবগী মতমদা খ্বাইদগী মমীং চৎখিবা, মীয়ামগী থৌগলদা লূপচবা, ধর্মা লৈবা অফবা নিংথৌশিংগী মরক্তা অমা ওইখিবা, নিংথৌ রাজশ্রী ভৈগ্যচন্দ্রনা তাইবংপাল থাদোকখিবগী চহী ২২৮ লক শুবা কুম্মোন থৌরম ৱেষ্ট বেঙ্গলদা পাঙথোক্নবা থৌরাং পূম্নমক লোইখ্রে। লাক্লিবা ওক্টোবর থাগী ৮ দগী ১৩ ফাওবা পাঙথোক্কনি।কুম্মোন থৌরম অসী ৱেষ্ট বেঙ্গলদা লৈরিবা শ্রিশ্রি অনুমহাপ্রভুগী মশাইকোল,নবদ্বিপতা অনুমহাপ্রভু সেবাইট সম্মিটিনা শীন্দুনা পাঙথোক্লগনি হায়রি।
ঙরাং শীঙজমৈ, পিসুম হাও লম্পাক মনাক্তা লৈবা লৈতান্থেম নবকান্তগী য়ূমদা পাঙথোকখিবা পাউমীশিংগা উনবগী থৌরমদা সম্মিটি অসীগী চ্যেরমেন আর কে টিজেন্দ্রনা মসীগী মতাঙদা হায়, কুম্মোন থৌরম অসিদা মনিপুরদগী শরূক য়াগদবা ওর্গানাইজেসন শিংনা মাগী মাগী লৈজবা কলাগী হৈ-শিংবা কয়া ঊত্থোক্নবগী তাঞ্জা পীবা থৌরম অমসু ওইরগনি।
হন্দক্কি চহী অসীদা পাঙথোক্কদৌরিবা কুম্মোন থৌরমদা সোভিনির অমসু ফোঙগনি হায়খি।
