অমত্তা ঙায়রবা মনিপুরগী রাজ্য সভা এম পিগী সিট অসীগীদমক মীখল পাঙথোকখিবদা লম্বা য়াওদনা মায় পাকখ্রবী আধিকারিময়ূম সর্দা দেবী, ঙরাং রাজ্য সভাগী মেম্বর ওইনা ৱাশক লৌখ্রে।
তোঙান তোঙানবা ষ্টেটশিংদগী রাজ্য সভাগী এম পিগী মীখলদা মায় পাক্লকখ্রবা এম পিশিং ঙরাং রাজ্য সভাগী চ্যেরমেন সি পি রধাক্রিষ্ণন না অমমমতা ওইনা ৱাশক লৌহনখি।ইন্দিয়ান পার্লিয়ামেন্তকী অপ্পর হাওস অসীগী চেম্বরদা সি পি রাধাক্রিষ্ণন না থৌরমদু পাঙথোকখি।
হৌজিক রাজ্য সভাদা মনিপুরগী এম পি ওইনা লৈরিবা নিংথৌ লৈসেম্বা সনাজাউবগী মতম চৎলিবা জূন থা অসীদা লোইখ্রগদবা মরম্না মহাক্কি মহুৎ শিলহৌগদবা অনৌবা এম পিগী মীখল হন্দক পাঙথোকখি। বি জে পি মনিপুর প্রদেশকি প্রসিদেন্ট ওইনা লৈরিবি সর্দাখক্তমক মীরেপচে পীশীল্লকখিবা মরম্না লম্বা য়াওদনা মায় পাক্লে হায়না লাউথোক্তুনা মরী লৈনবা রিটর্নিং ওফিসর না মঙোন্দা মায় পাকপগী সার্টিফিকেৎসু পীখ্রবনি।