থাঙ-তা মশান্না মখল অসী মরী লৈনবা অথোরিটিশিংনা মালেম পূম্বগী শান্নরোয়শিংগী মরক্তা অথোয়-তান্নবা ওলেম্পিক গেম্সতা য়াওহল্লবদি শান্নরোয়শিংদা চাউনা কান্নবা পীবা ঙমগনি হায়না ৱার্ল্ড থাঙ-তা ফেদরেসনগী প্রসিদেন্ত হুইদ্রোম প্রেমকুমারনা ফোঙদোকখ্রে।
ঙরাং ইম্ফাল ৱেষ্ট দিষ্ট্রিক্টকি য়ূম্নাম হুইদ্রোমদা লৈবা থাঙ-তা শঙলেন্দা ৩৫ শুবা ষ্টেট সব-জুনিয়র, জুনিয়র অমদি সেনিয়র থাঙ-তা চেম্পিয়ন্সিপ-২০২৬ হৌদোকখিবা থৌরমদা প্রেমকুমারনা ৱাফম অসী ফোঙদোকখিবনি।
ঙরাংদগী হৌরগা থা অসীগী ২৭ ফাওবা নুমিৎ হুম্নি চূপ্না চত্থগদবা চেম্পিয়নশিপ অদূ হুইয়েন লাল্লোং থাঙ-তা এসোসিয়েসন, মনিপুরনা শীনবনি। টুর্নামেন্ট অসিদা তোঙান তোঙানবা থাঙ-তা শিন্দম শঙলেন ৩১ দগী লাকপা শান্নরোয় ২৯৬ না শরূক য়াখি।
মসীগী মনূঙদা নূপা শান্নরোয় ১৮৬, নূপী শান্নরোয় ১১০, অমদি ওফিসিয়ল ৩৩ না শরূক য়াখি।
হৌদোকপগী থৌরমদুদা তরারক হন্না মিষ্টর ইন্দিয়া, দি প্রাইদ ওফ দি নেসন এৱার্দি মিষ্টর কে এস ঐচ ভক্তকুমার, মীতৈ হুয়েন লাল্লোঙ থাঙ-তা এসোসিয়েসন মণিপুরগী প্রেসিদেন্ট দা.হুইদ্রোম প্রেমকুমার, মনিপুর য়ুনিভর্সিতিগী এসিষ্টেন্ট প্রোফেসার কোমোলনচিংবা শরূক য়াখি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি