নেস্নেল ইনভেষ্টিগেসন এজেন্সি (এন আই এ) না অরম্বাই তেঙ্গোলগী থৌমী অহুম ফাজীনখিববু য়াম্না কন্না য়ানিংদবা ফোঙদোক্লদুনা মফম কয়াদা নূপী ওইবিশিংনা ৱাকৎ মীফমশিং চত্থনরি।
মসীগী মনূঙচন্না ঙরাংসু ইম্ফাল ইষ্ট দিষ্ট্রিক্টকি মনূঙচন্না লৈরিবা খূরায় লম্লোঙ কৈথেল অমদি ক্যামগৈ পল অহনবিদা ৱাকৎ মীফমশিং চত্থখ্রে।
লম্লোঙ কৈথেল ফম্বী অপূনবা নূপী লূপ্না শীন্দুনা খূরায় লম্লোঙ কৈথেলদা চত্থখিবা ৱাকৎ মীফম অদুদা অরম্বাই তেঙ্গোলগী থৌমীশিং ফাবা পুনবা তৌবা অমদি খুল ঙাকপা ভলন্টিয়রশিংদা অকী-অখঙ নংহন্দুনা লৈবাক অসিদা ঈরাং হেন্না থোক্নবা লৈঙাক্না শীনগনু, এন আই এনা ফাজীনখিবা অরম্বাই তেঙ্গোলগী থৌমী অহুম কন্দিসন থমদনা খূদক্তা থাদোরক্কদবনি, মখোয়বু থাদোক্ট্রবদি লমদম অসীগী মমা ওইবিশিংনা হেন্না কনবা খোঙজংশিং চঙশীন্ননবা শেম-শাবা লোইরে হায়বা ৱাফমশিং ফোঙদোকখি।
ৱাকৎ মীফম অদুদা মৈরা পায়বী, খূরায় অমসুং য়ু এস য়ুগী থৌমীশিংসু শরূক য়াখি।
অমরোমদা, লৈঙাক অসীনা মীয়ামগী মায়োক্তা লৈদুনা ঈগী লৌখোঙ চেন্নবা শীল্লিবসি খূদক্তা লেপকদবনি, অরম্বাই তেঙ্গোলগী থৌমীশিং খূদক্তা থাদোকউ হায়না ক্যামগৈ পল অহনবিদা ওল ক্যামগৈ নূপী চাওখৎ -থৌরাং লূপ্না ৱাকৎ মীফম চত্থখ্রে।
পিস এন্দ ইন্টিগ্ৰিটি কম্মিটি,ক্যামগৈগী থৌমীশিংগা খূৎশম্নরগা ৱাকৎ মীফম অদূ পাঙথোকখীবনি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে