মনিপুরদা লৈরিবা, মপান্দগী চঙশীল্লকখিবা কুকিশিং খূৎলায় ওইনা শীজীন্নরগা ইন্দিয়ানা নাগাশিংগী মায়োক্তা প্রোক্সি ৱার অমা অকনবা মওংদা চত্থরক্লি হায়না নেস্নেল সোসিয়েলিষ্ট কাউন্সিল ওফ নাগালিম – আইসাক মুইভা ( এন এস সি এন -আই এম) গী জেনরেল সেক্রেটরি থুইঙালেং মুইভানা ফোঙদোকখ্রে।
ৱাফম অসি মহাক্না মনিপুরগী মপান্দা ফোঙবা পাউচে অমা ওইরিবা “দি ৱীক” তা পীখিবা ইন্টরভ্যু অমগী ৱারোলদা ফোঙদোকখিবনি। মহাক্না হায়, ঙল্লিঙৈ মতমদা মফম অমদগী অতোপ্পা মফম অমদা কোয়চৎ চত্তুনা হিংলম্বা, ময়ূম মকৈসু অমত্তা পল্লেপফম খঙদবা কুকিশিংনা নাহুই, চীংজারোই, চিংসুইনচিংবা তাঙ্খুল নাগাগী লমশিংদা চঙশীন্দুনা মফমশিং অসীগী খুঞ্জা কয়ামরুম হাৎখিবগী ৱাফম অঙাং ওইরিঙৈগী মতমদগী তারকখ্রে।
ব্রিটিসনা নাগাগী লম লৌশীন্ননবা হোৎনবদা কুকিশিংদা খূৎশু-খূৎলায়শিং পীশীন্দুনা লান হৌহনখিবগী ময়েক শেংলবা ৱাফমশিং, খূদম চাংদমশিংগা লোয়ননা লৈরি। ঙসীনা অমূক ইন্দিয়ানা মচীন অনী লোঙদূনা নাগাশিংগী শেংলবা ঈহৌবু ফাগী তাহন্নবা হোৎনরকপগী মনূঙ চন্না কুকিশিংদা ঈন্সিন্দুনা প্রোক্সি ৱার চত্থরক্লিবসি ঐখোয় পূম্নমক্না খঙমীন্নগদবনি হায়খি।
You may also like
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে
-
কাংপোকপিদগী লাঞ্জেন্নরকখিবা আই দি পিশিংগা চিফ মিনিষ্টরগা উনখ্রে