লম্বী শেম্বা মতমদা লন্নাই মীওইশিংনা খোঙনা চৎননবা খোঙলম্বী তঙায়ফদনা শেমহৌগদবনি। খোঙলম্বী লৈরমদ্রবদি কনাগুম্বনা সিভিক অথোরিটিগী মথক্তা কমপ্লেন্ট থাঙ্গত্তুনা কম্পেন্সেসন তানবা য়াই। খোঙ লম্বী থম্বিদ্রে, খোঙনা চৎননবা মফম খাক্তে হায়না ৱাকৎপা অসী আইন্না য়াই, মদূ খন্নগনি, মসী মীওই খূদীঙমক্তা পীবা ফন্দামেন্টেল রাইট অমনি হায়না লৌগদবনি হায়না লৈবাক অসিগী খ্বাইদগী অৱাংবা আইনগী ৱায়েন লোয়শঙ অমা ওইরিবা সুপ্রিম কোর্তনা ফোঙদোকখ্রে।
লম্বীদা খোঙনা চৎলিঙৈদা এক্সিদেন্ট থোক্তুনা লৈখিদ্রবা অঙাঙ অমগী কম্পেন্সেসন পীহনবিয়ু হায়না এপেক্স কোর্ট অসীদা থাঙ্গৎলকখিবা প্লি অমগী হিয়ারিং চত্থরকপদা কোর্ট অসীনা ওবজার্বেসন অসী থম্লকখিবনি। এপেক্স কোর্ট অসিগী জষ্টিস পি এস নরসিমহা অমদি অটুল এস চন্দুলকর অনীগী বেঞ্চনা ফোঙদোকখিবা মতূঙ ইন্না, লৈবাক অসীগী সিটিজনশিংদা পীরিবা ফন্দামেন্টেল রাইটশিং – রাইট টু ফ্রীদম ওফ এক্সপ্রেসন, রাইট টু ফ্রীদম ওফ এসেমব্লি, রাইপ টু ফ্রীদম ওফ এসোসিয়েসন, হায়রিবশিং অসিগা চপ মান্ননা খোঙ লম্বী পীবা নত্রগা খাক্তুনা থম্বা হায়বসিসু সিটিজনশিংগী ফন্দামেন্টেল রাইট অমনি হায়বসি লৈঙাক্কি অথোরিটিনা খঙজীনগদবনি হায়খি।
অর্বান দেভলপমেন্ট অথোরিটি, ম্যুনিসিপালিটি, ম্যুনিসিপাল কোর্পোরেসন,পঞ্চায়েট, হায়রিবা সিভিক অথোরিটিশিং অসিনা, মীয়ামগী খোঙ লম্বী শোয়ফদনা থম্ননবা থৌরাং লৌখৎকদবনি হায়খি।
You may also like
-
য়োগগী থৌরমশিং মনিপুরদসু পাক-সন্না পাঙথোক্নখ্রে
-
নাগা মীচম তরুক হাৎখিবগী অচূম্বা ৱায়েল ফংহল্লু হায়দুনা ইম্ফালদা রেল্লি চৎখ্রে
-
খূরায় কেন্দ্রগী অহুমশুবা শিল্লৈমা ৱিভিং সেন্টর সাজোর লৈকায়দা হাংদোকখ্রে
-
রাহুল গান্ধীগী মপোক নুমিৎতা এম এল এ মেঘচন্দ্রনা হ্বীল চ্যের খূদোল তমখ্রে
-
মূক্নবনা ঐখোয় চাওখৎপা ঙম্লোই,মাঙনিন্নখিবা য়াই, নুংশি-চান্ননা হিংমিন্ননবা হোৎনমিন্নসি: চিফ মিনিষ্টর