কুমশিং ২০০১ গী জূন ১৮ দা, মনিপুরগী শক্তম কায়বা য়ারোই, এন এস সি এন- আই এম অমসুং ইন্দিয়া লৈঙাক্কি মরক্তা সাইন তৌনখিবা সিজফায়র এগ্ৰিমেন্ট অদূ মনিপুরদা চৎনহনবা য়ারোই হায়বা খোল্লাউ কয়াগা লোয়ননা মীয়াম্না হৌনরুবা নাইদনা চঙশীল্লকখিবা ঈহৌদা ঈরমদম অসীগী শক্তম ঙাক্নবগীদমক থৌনা ফনা থৱায়না পোন্থা পীখ্রবা অথৌবা-অথৌবীশিংদা ঈকায়খুম্নবা উৎতুনা হৈকৎ-লৈকৎ তম্বগী ২৫ রক শুবা কুমওন থৌরম ঙরাং ইম্ফালগী কেক্রু পাত্তা লৈরিবা অথৌবশিংগী নীংশিং খুভমদা পাঙথোকখ্রে।
অমুকো অমদি য়ু সি এম অনীনা পূন্না শীন্দুনা পাঙথোকখিবা ” দি গ্ৰেট জূন অপরাইজিং, য়ুনিটি দেগী থৌরম অদূ ঙরাং অয়ূক পূং ৫ তাবদা য়াকায়রোল ঈশৈ শক্তুনা হৌদোকখি। মদূগী মতূঙ, লমদমসিদা লৈরিবা তোঙান তোঙানবা য়েলহৌ-ফূরূপশিংগী নূপী অমসুং নুপা লীশীং কয়ানা শরূক য়াদুনা কেক্রুপাত্তা লৈরিবা অথৌবশিংগী নীংশিং খুভমদা হৈ-লৈ কত্তুনা মখোয়বু নীংশিংদুনা ইকায় খুম্নবা উৎখি।
মনিপুর পূম্বা মীকপ থোকহল্লম্লগা থৱায়না পোন্থা পীদুনা,তুংগী মীরোলদা ঈরমদম ঙাক-শেন্ননবা, অপূনবা শক্তম কায়হন্দনা থম্নবা কাউঙম্লরোইদবা পাউজেল পীরম্বা অথৌবশিংগী নুমিৎ ওইবনা মীওই লীশিং কয়া তিনবা থৌরম অমা ওইবা মরম্না মহৌশাগী লম্বী চত্থোক -চৎশীন তৌবদা অহোংবা কয়া লৈখি।
You may also like
-
চুরাচান্দপুর দিষ্ট্রিক্ট হোস্পিপালগী ওপরেসন থিয়েটর মৈ থারম্লে
-
মনিপুরগী য়েলহৌমীশিং মুত্থৎনবা ইন্দিয়াগী অরোনবা, অফোঙবা থৌরাংশিং ঐখোয়না চপচানা থেংনহৌদ্রবদি য়েলহৌমীশিং তুম্না মাঙখ্রগনি: ৱাই কে ধীরেন
-
থৌবাল দিষ্ট্রিক্টকি ওইনা জন কল্যান শিভির কেম্প হৌদোকখ্রে
-
কোন্সাখুলগী নহা অহুম সেক্যুরিটি ফোর্সনা ফাগৎখ্রে, অশোকপা কুকি অহুম রিম্সতগী পুথোকখ্রে
-
জূন ১৯ দগী লাইনীংথৌ-লাইরেম্বী মঙাগী হরাওবা থৌরম পাঙথোক্লগনি: সুসিন্দ্রো