মনিপুরগী য়েলহৌমীশিং মুত্থৎনবা ইন্দিয়াগী অরোনবা, অফোঙবা থৌরাংশিং ঐখোয়না চপচানা থেংনহৌদ্রবদি য়েলহৌমীশিং তুম্না মাঙখ্রগনি: ৱাই কে ধীরেন

হৌখিবা কুমশিং ১৯৯২ গী মতমদগী হৌরগা ইন্দি‌য়ানা মনিপুরগী য়েলহৌমীশিং অসী মূত্থৎনবা মখল কয়াগী লাল্লোং শীজীন্নরগা লাক্লি। মসীগী শরূক অমা ওইনা ঐখোয় য়েলহৌমী ফূরূপ মশেল মরক্তা দিভাইদ এন্দ রুল শান্নদুনা, মচেৎ তানা থম্লগা, অমগা অমগা উনবদা য়েংথীননবা, হাৎনা- শুনবা থোকহন্ননবা থবকশিং পায়খত্তুনা লাক্লি হায়বসি মনিপুরগী ‌য়েলহৌমী কাঙলূপ খূদীংমক্না নীঙথিনা খঙজীনবগী তঙায় ফদ্রবা মতমদু হৌজিক্নি হায়না য়ুনাইটেদ কম্মিটি মনিপুর (য়ু সি এম) গী প্রসিদেন্ট ৱা কে ধীরেননা ময়েক শেংনা ফোঙদোক্তুনা মীয়ামগী পূক্নিং চিংশিনখ্রে।

হৌখিবা কুমশিং ২০০১ গী জূন ১৮ দা, মনিপুরগী শক্তম অমসুং ঙমখৈ কায়বা য়ারোই, এন এস সি এন (আই এম) অমসুং ইন্দিয়া লৈঙাক্কি মরক্তা সাইন তৌনখিবা সিজফায়র এগ্ৰিমেন্ট অদূ মনিপুরদা চৎনহনবা য়ারোই হায়বা মীয়ামগী ঈহৌদা থৱায়না পোন্থা পীখ্রবা অথৌবা-অথৌবীশিংদা ঈকায়খুম্নবা ঊত্তুনা হৈকৎ-লৈকৎ তমখিবা থৌরমদা ধীরেননা ঙরাং ৱাফম অসী থমখিবনি।

য়ূ সি এম অমসুং অমুকো অনীনা পূন্না শীন্দুনা, ইম্ফালগী কেক্রুপাত্তা লৈবা অথৌবশিংগী নীংশিং খুভমদা, মহৌশাগুম পাঙথোকখিবা দি গ্ৰেট জূন অপরাইজিং, য়ুনিটি দেগী ২৫ রক শুবা ইভেন্ত অদূগা মরী লৈনবা মীয়ামগী মীফম অমদা মহাক্না ৱাফমশিং অসীগা লোয়ননা মখা তানা হায়, কুমশিং ২০০১ গী জূন থাদা থোকখিবা থৌদোক অদুসু মনিপুরবু উফূল তানা থুগাইনবা চত্থরকখিবা ইন্দিয়াগী অরোনবা থৌরাং অমনি।মদূ মীয়ামগী অপূনবা পাঙ্গলনা মায় পাকহনখিদ্রবা মতূঙদা হৌখিবা কুমশিং ২০২৩ দগী অমূক,মশাগী ওইজবা তানবা মীতোপশিং শীজীন্নদুনা প্রোক্সি ৱার চত্থরক্লিবা অসীনি।মী‌য়াম্না হন্দক্কি মতাঙ অসীদা পূন্না, অমত্তা ওইনা থেংনহৌদ্রবদি ঐখোয় পুল্লপ ওইনা ঈরমদম অসীগী লৈমায়দগী মূৎখ্রগনি হায়বসি খঙমীন্নবা মতম ওইরে হায়খি।