খূরায় এসেম্বলি কন্সটিট্যুয়ন্সিগী মনূঙ চন্না লম্লোঙ কৈথেলগী থোংজাউ মনাক্তা লৈরিবা লাইনীংথৌ পুথিবগী শঙলেন অসী মমাঙ চহীগী জূন ১৮ দা উরেপ-উরেপ তমদুনা শাবা হৌরকখিবনি। শঙলেন অসি ঙসীদি মপূঙফানা শেমগৎ-শাগৎপা মপূঙ ফানা লোইরে। মরম অসিনা হন্দক চহীগী ওইনা লাইনীংথৌ-লাইরেম্বী মঙাগী কুমজা হরাওবগী থৌরম হয়েং জূন ১৯ দগী হৌরগনি অদুগা থৌরম অসী নুমিৎ তরেৎনি চূপ্না চত্থরগনি হায়না খূরায় কেন্দ্রগী এম এল এ লৈশাংথেম সুসিন্দ্রো না ফোঙদোকখ্রে।
ঙরাং পাউমীশিংগা উনবগী থৌরমদা মহাক্না ৱাফম অসী ফোঙদোকখিবনি।মহাক্না হায়, লাইনীংথৌ পুথিবনা খূরায়, খূন্দ্রাকপম, হৈঙাং, য়াইস্কুল অমসুং ৱাঙ্খৈগী মফম খরা খরা কোন্সিল্লি।হন্দক্কি লাইনীংথৌ – লাইরেম্বী হরাওবগী থৌরম অসীগী ওইনদি মহৌশাগী মতৌগুম মীয়ামদগী শেল-থুম খায়বগী ৱাফম লৈরোই। কনাগুম্বনা পৈশানচিংবা কৎপীগে হায়রবসু লাইবুংদা হকথেঙননা লাক্লগা কৎপিরবা য়াগনি হায়না এম এল এ অসিনা ফোঙদোকখি।
য়ূমথঙনরিবা কেন্দ্র মরি অসীগী এম এল এশিং সু লাই হরাওবগী থৌরম হৌদোকপদা শরূক য়াগনি হায়বগী থাজবা পীরক্লে হায়বা ৱাফম সুসিন্দ্রোনা মীয়ামদা খঙহল্লক্লি।
You may also like
-
কোন্সাখুলগী নহা অহুম সেক্যুরিটি ফোর্সনা ফাগৎখ্রে, অশোকপা কুকি অহুম রিম্সতগী পুথোকখ্রে
-
ওক্টোবর অমদা পঞ্চায়ৎ মীখল পাঙথোক্লগনি হায়বগী ৱারেপ ষ্টেট কেবিনেটনা লৌখ্রে
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি