চৎলিবা জূন থা অসীগী ১০ গী অয়ূক্তা ইম্ফাল ৱেষ্ট দিষ্ট্রিক্টকি মনূঙ চন্না শীংজমৈ পূলিস ষ্টেসনগী মনুঙচনবা শীঙজমৈ চীঙামখা খেত্রি লৈকায়দা হুয় চীক্নবগী ৱাহৌদগী হুয়শিং অদূগী মপূশিং খৎন-চৈনরকপগী থৌদোক্তা থাঙনা থিল্লকপদগী খেত্রিময়ুম দেবজিৎ (৪৫) কৌবা হুয়বূ অমা লৈখিদ্রে।
মহাক লৈকায় অদূমক্তদগী খেত্রিময়ুম জুগেস্বরগী মচানুপানি হায়রি।মহাকপু থাঙনা থিন্দুনা হাৎলম্লিবা মীওইশিং মীয়াম খঙনা অকনবা আইনগী চৈরাক ফংহল্লু, জামিন্দা থাদোকপসু য়ারোই লোয়ননা লৈকায়দা লৈবসু য়ারোই হায়বা খোল্লাউশিংগা লোয়ননা লৈকায় অসীগী মৈরা পায়বী ঈমাশিংনা ৱাকৎ মীফম চত্থখি।
মীহাৎপা মীওইশিং অদূ কনাগুম্বা অমত্তনা চঙজফম পীবসু য়ারোই হায়বা ৱাফমশিং খোঙজঙলোয়শিংনা মরী লৈনবশিংদা লাউথোক্তুনা খঙহনখি।