হৌখিবা মে ১৩ দা কাংপোকপি দিষ্ট্রিক্টকী কোটলেন অমসুং কোটজিম ভিল্লেজ অনীগী লোন্নবদা লৈবা মফম অমদা কুকি মিলিটেন্টশিংনি চিংনবা, খূৎলায় মতীক চানা পায়রবা মীওইশিংনা এম্বুস তৌদুনা থাদৌ বাপ্তিষ্ট চর্চ কি লুচিংবা অহুম হাৎখ্রবা মতূঙদা নুমিৎ অদূমক্কি নুংথিলদা নাগা ভল্লন্টিয়রশিংনা হোষ্টেজ ওইনা ফাজীন্দুনা থম্লকখিবা কুকি কাঙলূপকি মীওই ১৪ অদূ নুমিৎ ২৭ নি চূপ্না ফাজীল্লুরবা মতূঙ, ঙরাং নুংথিল পূঙ ৩:৩০ রোম তারকপদা তেক্ত-কায়দনা থাদোরকখ্রে।
মখোয় ১৪ দু নাগা ভল্লন্টিয়রশিং অমদি ফূরূপ অসীগী সি এস ওশিংনা ঙরাং তাফৌ কুকি ভিল্লেজ অথোরিটিদা খূৎশীন্নখিবনি। হোষ্টেজ ১৪ খূৎশিন্নখিবা থৌরমদুদা সেনাপটি দিষ্ট্রিক্ট পুলিসকি এস পি, সেন্ট্রেল আর্ম পুলিস ফোর্সকি পার্সোনেলশিং অমসুং দিষ্ট্রিক্ট এদমিনিষ্ট্রেসনগী ওফিসিয়েলশিং শরুক য়াখি।
থাদোরকখ্রবা কুকি ১৪ গী মরক্তা য়াওখিবা পাউতিনখায় চোংলোইনা পাউমীশিংদা হায়, মখোয়বু নাগা ভল্লন্টিয়রশিংনা ফাজীন্দুনা থম্লিঙৈ মতমদা করিগুম্বা মখল অমত্তগী হারাসমেন্ট পীখিবা লৈতে। ব্রেকফাষ্ট মতম চানা পীবিখি।নোংমদা চরা অনী চাং নাইনা, মতম চানা পী। খ্বাইদগী অফবা মখলগী চীঞ্জাক পীবিরকখি।অরুম্বা ফি-রোলশিং ফংহল্লি। নাগা ভল্লন্টিয়রশিংনা ফূবা-চৈবা তৌরকখিবা অমত্তা লৈতে। কাঙলূপ মশেল নুংশিনবগী, পূন্না লৈমিন্ননিংবগী ৱাফম ঙাক্তা ফোঙদোরকখি হায়না থমখি।
নাগাশিংগী লমচৎ-শাজৎ অসীদি অতৈ ফূরূপশিংনা তমজনিঙায়নি, ফিদম্নিঙায়নি হায়না ফোঙদোকখি।
You may also like
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার
-
উমংলাই কন্সি, কাঙলোন চুম্না হরাওসি হায়বসিদা মীফম পাঙথোকখ্রে
-
রিম্স অসী এইম্সকী থাক্তা অপগ্ৰেদ তৌনবগী অয়াবা পীরক্লে: সর্দা