ইন্দিয়াদা প্রাইম মিনিষ্টর নরেন্দ্র মোদিনা লুচিংবা নেস্নেল দেমোক্রেতিক এল্লাইন্স (এন দি এ) লৈঙাক্না সাসনগী চূপ্লী পায়রকপগী মতম চহী ১২ শুরকপগা মরী লৈননা বি জে পি অমদি এন দি এনা লৈঙাকপা ষ্টেট অমদি য়ুনিয়ন টেরিটোরিশিংগী চিফ মিনিষ্টরশীং অমসুং দিপ্যুটি চিফ মিনিষ্টর শিংগী অপূনবা মীফমদা শরূক য়ারনবা খঙহল্লকপদগী মনিপুরগী চিফ মিনিষ্টর য়ূম্নাম খেমচান্দ ঙরাং ন্যু দিল্লিদা থুংখ্রে। চিফ মিনিষ্টরশিং অমসুং দিপ্যুটি চিফ মিনিষ্টরশিংগী অপূনবা মীফম অদূ হয়েং শগোলশেন নুমিত্তা প্রাইম মিনিষ্টরনা চেয়র লৌদুনা পাঙথোক্কদবনি।
মীফম অদূদা মরূওইনা ভিক্সিট ভারত কেম্পেইনগী রোদ মেপ অমা শেম্বগা লোয়ননা নোংচুপথংবা এসিয়াদা লৈরিবা মূক্নবগী ৱাথোকশিং অসীনা পীরক্লিবা চৈথেঙ কয়া অসীগী মতাঙদসু কূপ্না খন্নগনি হায়রি। মীফমদূগী মতূঙদা প্রাইম মিনিষ্টরনা চ্যের লৌরগা নিটি আয়োগকি মীফমসু চত্থগদৌরি। য়ূম্নাম খেমচান্দনা লুচিংবা মনিপুরগী মিনিষ্ট্রি চাউথোক্তনা ঙসীফাওবা লাক্লিবা অসীগী মতাঙদসু চিফ মিনিষ্টরনা সেন্টরগী মকোকথোংবা কয়াগা খন্নগদৌরি। হীরম অসীগী মতাঙদা হন্দক্তি চপচাবা অমা লৈখাই তারবা য়াই হায়না পানরি।
নিটি আয়োগকী মীফম মতূঙদা সেন্তরগী মিনিষ্টর খরা লৌথোক্লগা এন দি এগী অনৌবা এম পি খরা মিনিষ্টর ওইনা হাপচীনগনি অদুগা বি জে পিগী ওইনসু থৌ পুবশিং খরা হোংদোক-হোংজিন তৌগদৌরি। পূম্নমক অসী শরূক য়ারম্লবা মতূঙদা চিফ মিনিষ্টর য়ূম্নাম খেমচান্দ থা অসীগী ১২ দা ইম্ফাল দা হল্লক্কনি হায়রি।
You may also like
-
রিফ্যুজী মশীং হেঙ্গৎলকপনা তৌফম খঙলক্তবগী ফীভম মায়োক্নরে : লালদুহোমা
-
লম্বীগী এক্সিদেন্টতা নহা অমা শিরে
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি
-
লৈখিদ্রবা বোনেট কোন্সমগী লোয়নবীদা এল এম জিনা শেলগী তেঙবাং পীখ্রে
-
মেদল ফোর মেরিটোরিয়স সার্বিস এৱার্দ পীননবা পুলিস পার্সনেলশিং লৈবাক অসীগী ওইনা খনগৎলকপদা মনিপুরদগী ৮ য়াওরক্লে